ايجان ەسماعامبەتوۆا: جۇمىس بەرۋشىلەرگە پ ت ر انىقتاما سۇراۋدى مىندەتتەمەيمىز
«قازىر كوپتەگەن جۇمىس بەرۋشىلەر كەڭسەگە ورالعان قىزمەتكەرلەردەن پ ت ر انىقتاماسىن سۇراپ جاتىر. ءبىز مۇنداي تالاپتى مىندەتتەگەن جوقپىز، مىندەتتەمەيمىز. ءتىپتى، كەڭەس بەرمەيمىز دەپ ايتا الامىن. ويتكەنى، پ ت ر انىقتاماسى بۇگىن تەرىس بولۋى مۇمكىن، ءبىراق ادامنىڭ ءوزى ۆيرۋس جۇقتىرىپ، ەندى تارالا باستاۋى ابدەن مۇمكىن»، - دەدى باس سانيتارلىق دارىگەر ونلاين بريفينگتە. ونىڭ ايتۋىنشا، جۇمىس بەرۋشىلەردىڭ تالابى ەڭبەك زاڭناماسى اياسىندا قاراستىرىلادى.
«ەگەر جۇمىس بەرۋشى مەن جۇمىسشى اراسىندا تەستىلەۋدەن ءوتۋ تۋرالى ۋاعدالاستىق بولسا، بۇل ەڭبەك زاڭناماسى اياسىندا شەشىلۋى كەرەك. ءبىراق، ءبىز جۇمىسقا ورالعاندارعا مىندەتتى تەستىلەۋدەن ءوتۋ تالابىن قويىپ وتىرعان جوقپىز»، - دەدى ا. ەسماعامبەتوۆا.
سونىمەن بىرگە، سپيكەر پتر تەستىلەۋدەن تەگىن وتەتىندەر ساناتىن ايتىپ بەردى.
«اۋرۋ وقيعاسى تىركەلگەن جەردە ۇنەمى ەپيدەميولوگيالىق تەكسەرۋ جۇمىستارى جۇرگىزىلەدى. تەكسەرۋ اياسىندا بايلانىستا بولعاندار ءتىزىمى قۇرىلادى. مەنىڭ قاۋلىما سايكەس، جاقىن جانە ىقيمال بايلانىستا بولعان ادامدار تەستىلەۋدەن تەگىن ءوتۋى ءتيىس»، - دەدى ا. ەسماعامبەتوۆا.
