اتا- انالار ۆاكتسينادان باس تارتۋعا قۇقىلى - دەنساۋلىق مينيسترلىگى

نۇر- سۇلتان. قازاقپارات – ق ر باس مەملەكەتتىك سانيتار دارىگەرى ايجان ەسماعامبەتوۆا ۆاكتسيناتسيا تالاپتارى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«ۆاكتسينالاۋ تاقىرىبى قازىر قىزۋ تالقىلانىپ جاتىر. بۇكىل الەمدە ۆاكتسينا مىندەتتى جانە ەرىكتى بولىپ ەكىگە بولىنەدى. بىزدەگى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستە دە ۆاكتسينا وسىلاي ەكىگە بولىنەدى. تەگىن مەديتسينالىق كومەكتىڭ كەپىلدەندىرىلگەن كولەمى اياسىنداعى مىندەتتى ۆاكتسينالار مەن كەز كەلگەن تىلەك ءبىلدىرۋشى سالدىراتىن ەرىكتى ۆاكتسينالار بار. شىنىندا دا كودەكستىڭ 85-بابىندا ق ر ازاماتتارىنىڭ مىندەتتى تىزىمدەگى ۆاكتسينالاردى الۋ قاجەتتىگى جازىلعان. ءبىراق، ۆاكتسينالاۋدىڭ مىندەتتى بولۋى - اتا- انانى كۇشتەپ كوندىرۋ ەمەس. اتا- انا قالاماسا، ەكپە سالىنبايدى» ، - دەدى باس سانيتارلىق دارىگەر ونلاين بريفينگتە.

سپيكەردىڭ ايتۋىنشا، مىندەتتى ەكپەلەر مەديتسينالىق قىزمەتكەرلەر مەن مەملەكەت ءۇشىن ماڭىزدى. ولار تەگىن مەديتسينالىق كومەكتىڭ كەپىلدەندىرىلگەن كولەمى اياسىندا تىركەۋ بويىنشا تۇرىعندارعا مىندەتتى ۆاكتسينالاردى ۇسىنىپ، ونى قولجەتىمدى ەتۋگە مىندەتتى.

«تاعى دا قايتالايمىن، كودەكستە كەز كەلگەن ۆاكتسينالاۋ، اسىرەسە كامەلەت جاسقا تولماعان بالالارعا قاتىستى مەديتسينالىق قىزمەتتەر اتا- انانىڭ نەمەسە زاڭدى وكىلدىڭ كەلىسىمىمەن جۇرگىزىلەدى. قازىر دە ەمحاناعا بارعاندا، ەكپە الاردا اقپاراتتىق كەلىسىم قاعازىن تولتىرامىز. سودان كەيىن عانا بالاعا ەكپە سالىنادى. نەمەسە اتا- انا ەكپەدەن باس تارتىپ، ۆاكتسيناعا سەنبەۋ ت. ب. سياقتى سەبەپتەرىن كورسەتىپ، قۇجات تولتىرۋى كەرەك. بۇل اقپارات ءبىز ءۇشىن ماڭىزدى، ءبىز ەكپەدەنباس تارتۋدىڭ سەبەپتەرىن بىلگىمىز كەلەدى. قورىتا ايتقاندا، اتا- انالارعا ەكپە سالۋ ماجبۇرلەنبەيدى»، - دەدى ا. ەسماعامبەتوۆا.