19:49, 08 - ماۋسىم 2020 | GMT +5
ەلوردادا جۇمىسسىزدار سانى ۇلعايۋى مۇمكىن
نۇر- سۇلتان. قازاقپارات - ەلوردادا جۇمىسسىزدار سانى %6 ءوسۋى مۇمكىن. بۇل تۋرالى ەلوردا تۇرعىندارىن جۇمىسپەن قامتۋ ماسەلەسى تاقىرىبىندا وتكەن ونلاين باسپا ءسوز كونفەرەنتسياسىندا ايتىلدى، دەپ حابارلايدى قازاقپارات ءتىلشىسى.
«كارانتين باستالعالى جۇمىسىنان ايىرىلىپ قالعاندار سانى ايتارلىقتاي ءوستى. بۇگىنگى تاڭدا ەلورداداعى جۇمىسسىزدار دەڭگەيى %4,6. بۇل كورسەتكىش % 6 عا دەيىن وسەدى دەپ كۇتىلۋدە. 83 جۇمىس بەرۋشى بىزگە 867 ادام جۇمىسىنان قىسقارۋى مۇمكىن ەكەنىن ايتتى. ونىڭ ىشىندە 276 ادامدى جۇمىستان قىسقارتۋعا تۋرا كەلگەن»،- دەيدى
«نۇر- سۇلتان قالاسى اكىمدىگىنىڭ حالىقتى جۇمىسپەن قامتۋ ورتالىعى» ك م م جۇمىسقا ورنالاسۋعا جاردەمدەسۋ ءبولىمىنىڭ جەتەكشىسى ازامات بايتاسوۆ. سونداي- اق، ول جۇمىسىنان ايىرىلىپ قالعان ازاماتتارعا الەۋمەتتىك تولەم الۋعا بولاتىنىن جەتكىزدى. «الەۋمەتتىك تولەم الۋ ءۇشىن قاجەتتى قۇجاتتاردى رەتتەپ، حالىقتى جۇمىسپەن قامتۋ ورتالىعىنا بارۋ كەرەك»، - دەيدى ول.
