الەمدىك ەكونوميكاداعى احۋال تۇراقتاندى - ۇلتتىق بانك
ۇلتتىق بانكتىڭ حابارلاۋىنشا، الەمدىك ەكونوميكاداعى احۋال تۇراقتاندى، ال جەكەلەگەن تاۋار جانە قارجى نارىقتارىندا جاندانۋ بايقالدى. مۇنايدى تۇتىنۋ قىتاي ەكونوميكاسىنىڭ قالپىنا كەلۋ بەلگىلەرى، كەيبىر ەۋروپا ەلدەرى مەن ا ق ش- تاعى كارانتين شارالارىنىڭ جەڭىلدەۋى اياسىندا بىرتىندەپ ىسكە قوسىلا باستادى. وپەك+ ەلدەرى مۇناي ءوندىرىسىن قىسقارتۋ مامىلەسىنىڭ ولشەمدەرىن ۇزارتۋ تۋرالى الدىن الا ۋاعدالاستىققا قول جەتكىزدى. مۇناي ءوندىرۋدى تاۋلىگىنە 9,7 ميلليون باررەلگە تومەندەتۋ شىلدە ايىنىڭ سوڭىنا دەيىن جالعاسادى. سونىمەن قوسا، COVID-19 پاندەمياسى جانە ينفەكسيانىڭ تارالۋىمەن كۇرەس بويىنشا شەكتەۋ شارالارى الەمدىك ەكونوميكاعا تەرىس اسەر ەتۋىن جالعاستىرۋدا.
2020 -جىلعى مامىردا ىسكەرلىك بەلسەندىلىك كورسەتكىشتەرى ءالى دە بولسا تاريحي بارىنشا تومەنگە جۋىق دەڭگەيدە قالىپ وتىر. بۇل احۋال قازاقستانداعى ەكونوميكالىق بەلسەندىلىككە جانە ينفلياتسيالىق پروتسەستەرگە تەرىس ىقپال ەتەدى. بازالىق مولشەرلەمە بويىنشا كەزەكتى شەشىم 2020 -جىلعى 20 - شىلدەدە جاريالاناتىن بولادى.
اۆتور: الما مۇقانوۆا
