قىزىلوردا وبلىسىندا تۇيە ءسۇتىن وڭدەۋ زاۋىتىنىڭ قۇرىلىسى باستالدى
ادام اعزاسىنا پايداسى مول اعارعانعا شەتەلدەن سۇرانىس كوپ تۇسەدى. سوندىقتان وزىق تەحنولوگيالىق جەلى بويىنشا وڭدەلگەن ءونىم نەگىزىنەن ەكسپورتقا شىعارىلادى. ايماقتا 50 مىڭداي اسىل تۇقىمدى تۇيە وسىرەتىن 10-نان اسا شارۋاشىلىق بار. سوندىقتان اگروماماندار شيكىزات جەتىسپەۋشىلىگى تۋىندامايدى دەپ سانايدى.
وڭىرلىك يندۋستريالاندىرۋ كاراسىنا ەنگىزىلگەن جوبا قۇنى ءبىر جارىم ميلليارد تەڭگە شاماسىندا. 150-دەي ادام جۇمىسپەن قامتىلاتىن زاۋىت قۇرىلىسى جوسپارعا سايكەس اعىمداعى جىلدىڭ كۇز مەزگىلىنە دەيىن اياقتالۋى ءتيىس. جالپى يندۋستريالاندىرۋدىڭ 2-بەسجىلدىعى شەڭبەرىندە وبلىس بويىنشا 23 ءوندىرىس وشاعى پايدا بولادى. قۇنى 550 ميلليارد تەڭگەنىڭ جوبالارى جۇزەگە اسىرىلسا 6 جارىم مىڭداي جاڭا جۇمىس ورنى اشىلادى.
جارالحان ەرماحانوۆ، جوبا ۇيلەستىرۋشىسى:
- شالقار اۋدانىنىڭ 9 اۋىلى، قازالى اۋدانى، بوزوي اۋىلى مەن 25 ەلدى مەكەندە ءسۇت قابىلدايتىن سىيىمدى ىدىستار قويىپ شىقتىق. بارلىعى بۇرىن تۇيەلەرىن بوس جىبەرگەن، جابايى كەتكەن تۇيەلەر. سونىڭ ءبارىن قولعا ۇيرەتىپ، حالىق قۋانىپ جاتىر. ءبارى بىرىگىپ، تۇيەنى ساۋۋعا ۇيرەتىپ جاتىر. زاۋىتتىڭ كەلەشەگى وتە زور.
www.24.kz
