جاپونيا سالقىنداتقىش اسەرى بار ماسكا شىعارا باستادى
بۇل تۋرالى قازاقپارات Kyodo News اگەنتتىگىنە سىلتەمە جاساپ حابارلايدى.
جاپونيادا جانە الەمنىڭ باسقا دا ەلدەرىندە جازدا قولدانۋعا بولاتىن ماسكاعا دەگەن سۇرانىس تەز ءوسىپ جاتىر. مامىر ايىنىڭ سوڭىندا Mizuno كورپوراتسياسى جەڭىل اتلەتيكاعا ارنالعان جانە شومىلۋ كيىمىن تىگۋگە قولدانىلاتىن جۇمساق ماتەريالدان جاسالعان ماسكانى ساتۋدى باستادى. 935 يەن (8,5 ا ق ش دوللارى) تۇراتىن ءونىم ۇلكەن تانىمالدىققا يە بولدى. سونىمەن قاتار، ونلاين- ساتىلىمنىڭ العاشقى كۇنىندە 20000 داناسى ساتىلدى.
بادمينتون، تەننيس جانە باسقا دا سپورت تۇرلەرىنىڭ ارنايى كيىمىن شىعاراتىن Yonex Co. كومپانياسى شىلدە ايىنىڭ باسىنان باستاپ قۇرامىندا كسيليتى بار «Very Cool» ماتەريالدارىنان جاسالعان ماسكانى ساتىلىمعا شىعارادى. كسيليت جىلۋدى سىڭىرەدى. مۇنداي ماتەريال بادمينتوننان جاپون قۇراماسىنا، سونداي- اق كاسىبي تەننيسشىلەرگە ارنايى كيىم تىگۋ ءۇشىن قولدانىلادى.
«كوروناۆيرۋستان قورعاۋ ءۇشىن ادامدار ماسكانى ۇزاق تاعىپ جۇرەتىندىكتەن ءبىزدىڭ تەحنولوگيا پايدالانۋشىلارعا، ەڭ بولماعاندا، ىستىق اۋا رايىندا «سالقىن» رەجيمىن ۇستاپ تۇرۋعا مۇمكىندىك بەرەدى دەپ ۇمىتتەنەمىز»، - دەپ مالىمدەدى Yonex وكىلى.
كومپانيا ماسكانى 840 يەننەن ساتۋدى جوسپارلاپ وتىر. Uniqlo جەلىسىنىڭ وپەراتورى
Fast Retailing Co كومپانياسى جازدا جاسالعان دەم الۋعا مۇمكىندىك بەرەتىن جانە تەز كەبەتىن ماتەريالدى قولدانا وتىرىپ، ماسكا ساتۋدى باستايدى.
