الماتىدا اپتانىڭ قاي كۇندەرى جول اپاتى ءجيى بولادى

الماتى. قازاقپارات - الماتىنى دامىتۋ ورتالىعى مەن قالالىق سيفرلاندىرۋ باسقارماسى بىرلەسىپ، مەگوپوليستەگى جول- كولىك جاعدايىنا تالداۋ جۇرگىزدى، دەپ حابارلايدى قازاقپارات ءتىلشىسى.

الماتىدا جىل باسىنان بەرى 470 مىڭنان استام جەڭىل اۆتوكولىك تىركەلگەن، ونىڭ ىشىندە 250 مىڭىنىڭ پايدالانۋ مەرزىمى 10 جىلدان اسقان.

پوليتسيا دەپارتامەنتىنىڭ مالىمەتىنشە، الماتىعا كۇن سايىن 200 مىڭعا جۋىق اۆتوكولىك كىرەدى. ونىڭ ىشىندە شامامەن 160 مىڭ كولىكتىڭ پايدالانۋ مەرزىمى 10 جىلدان اسقان. بۇل قالانىڭ ەكولوگيالىق احۋالىنا جانە جول قوزعالىسى قاۋىپسىزدىگىنە ايتارلىقتاي اسەر ەتەدى. 2019 -جىلى الماتىدا جول- كولىك وقيعالارى ءجيى ورىن العان 20 جول ۋچاسكەسى انىقتالدى.

ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتىنشە، 2019 -جىلى الماتىدا 4489 كولىك اپاتى بولعان. وندا 161 ادام قازا تاۋىپ، 5308 ادام ءتۇرلى دەنە جاراقاتىن العان. كولىك اپاتىنان قازا تاپقانداردىڭ باسىم بولىگى - 21-29 جاستا. كوز جۇمعاندار مەن زارداپ شەككەندەردىڭ %50- دان استامى - 18-39 جاستاعى جاستار. جول- كولىك وقيعالارىنىڭ كوبى - % 47,5 رەتتەلمەيتىن كوشە قيىلىستارىندا بولادى. بارلىق تىركەلگەن زاڭبۇزۋشىلىقتاردىڭ ۇشتەن ءبىرى - جىلدامدىقتى اتتىرۋ (1605).

اپاتتاردىڭ ۇشتەن ءبىر بولىگى مانيەۆر جاساۋ ەرەجەسىن بۇزۋ سالدارىنان بولعان، % 12- دان استامى - جاياۋ جۇرگىنشى وتكەلىنەن ءوتۋ ەرەجەسىن بۇزۋ (555). جۇرگىزىلگەن تەكسەرۋ ناتيجيەسى بويىنشا، الماتىدا جول- كولىك وقيعالارىنىڭ باسىم بولىگى كۇندىز بولادى - % 65,7 (2884) جانە ءساۋىر، مامىر، ماۋسىم، قىركۇيەك ايلارىندا جاسالادى. وسى ءتورت ايداعى ج ك و ۇلەسى ءبىر ايدا ورتا ەسەپپەن % 9,5- 9,9 نەمەسە جالپى % 38,8- دى قۇرادى.

اپتا كۇندەرى بويىنشا اپاتتىڭ ەڭ كوبى دۇيسەنبى، سارسەنبى جانە جۇماعا كەلەدى - % 15- تەن، ال ەڭ ازى جەكسەنبىدە - % 12,7. بۇل جۇمىس كۇندەرى قالىپتاسقان قوزعالىس جاعدايىنىڭ دەمالىس كۇندەرى وزگەرەتىنىن كورسەتەدى.

ج ك و سانىن ازايتۋ ءۇشىن «VisionZeroAlmaty» ءىس- قيمىل جوسپارى اياسىندا رەتتەلەتىن جاياۋ جۇرگىنشى وتكەلدەرى، باعدارشام، شىعىڭقى ايالدامالار، جاياۋ جۇرگىنشى وتكەلدەرىنە LЕD - جارىقتاندىرۋ ورناتىلدى. بيىل باعدارشام ورناتۋ، كوشەلەردى ورتاشا جوندەۋ، قاۋىپتى جول ۋچاسكەلەرىندە قاۋىپسىزدىك ايماقتارىن سالۋ، رەتتەلمەيتىن جاياۋ جۇرگىنشى وتكەلدەرىن جارىقتاندىرۋ جۇمىستارى جالعاسۋدا. 30 باعدارشام مەن 70 رەتتەلەتىن جاياۋ جۇرگىنشى وتكەلىن سالۋعا جوبالاۋ- سمەتالىق قۇجاتتاما ازىرلەنۋدە، سونداي- اق رەتتەلمەيتىن 70 جاياۋ جۇرگىنشى وتكەلىنە LЕD - جارىقتاندىرۋ ورناتىلىپ، تراپەتسيا تارىزدەس جاساندى كەدىر- بۇدىر جاسالادى. جول قورشاۋىن ورناتۋ جۇمىستارى جالعاسادى.

جالپى، الماتىدا جول قوزعالىسى سالاسىندا الەمدىك ستاندارتتار مەن نورماتيۆتەردى ەنگىزۋ جۇمىسى ءجۇرىپ جاتىر. جول جوندەۋ، رەكونسترۋكتسيالاۋ، جولايرىق سالۋ، تۇيىق كوشەلەردى ۇزارتۋ ءىسى قولعا الىنىپ، جەرءۇستى وتكەلدەرى سالىنۋدا. جول قوزعالىسىنىڭ تاڭبالاۋ، شەكتەۋ جانە رەتتەۋ جۇيەلەرى جاقسارىپ كەلەدى. قوعامدىق كولىك ءۇشىن بولىنگەن جولاقتار سالىندى. كوشەلەر مەن جولداردى جارىقتاندىرۋ جاڭعىرتىلىپ، جاڭالارى ىسكە قوسىلۋدا. قوعامدىق كولىك، ۆەلوسيپەد قوزعالىسى دامىپ وتىر.

«جول قوزعالىسىنىڭ قاۋىپسىزدىگى» ا ا ج كومەگىمەن 2020 -جىلدىڭ 3 ايىندا 63,4 مىڭ ەرەجە بۇزۋ فاكتىسى تىركەلدى، 299,9 ميلليون تەڭگە ايىپپۇل سالىندى. وسى كەزەڭدە «سەرگەك» تىركەگەن زاڭبۇزۋشىلىق سانى 37 مىڭعا جۋىقتاپ، 156 ميلليون تەڭگە ايىپپۇل سالىندى.

اۆتور: الما مۇقانوۆا