قازاقستاندا اسكەرگە شاقىرىلعان ءۇش جىگىتتەن كوروناۆيرۋس تابىلدى
ونىڭ ىشىندە شىعىس قازاقستان وبلىسىندا جاڭا 5 جاعداي تىركەلدى، دەپ حابارلايدى قازاقپارات ءتىلشىسى.
ش ق و اكىمى باسپا ءسوز قىزمەتىنىڭ مالىمەتىنە سۇيەنسەك، ۆيرۋس سەمەي قالاسىنداعى 1960 -جىلعى ايەل مەن 1948 -جىلى تۋعان ەر ادامنان جانە شىمكەنت قالاسىنان زايسان اۋدانىنا اسكەري بورىشىن وتەۋگە كەلگەن 1997، 2000 جانە 2002 -جىلعى ازاماتتاردان انىقتالعان.
«ەپيدەميولوگيالىق كورسەتكىش بويىنشا 2 ناۋقاستان زەرتحانالىق تالداۋ بۇرىنىراق ك ۆ ي اۋرۋىن جۇقتىرعان اداممەن قارىم- قاتىناستا بولعاندىقتان الىنسا، قالعان 3 ادامنان پروفيلاكتيكالىق ماقساتتا سكرينينگ كەزىندە انىقتالدى. قازىرگى ۋاقىتتا قاۋىپتى دەتتى جۇقتىرعان پاتسيەنتتەردىڭ بارلىعى ينفەكسيالىق ستاتسيونارعا جاتقىزىلدى. ولارمەن بايلانىستا بولعاندارعا ەپيدەميولوگيالىق جانە مەديتسينالىق تەكسەرۋ جۇرگىزۋ ءۇشىن اۋماقتىق باسقارما ماماندارى مەن مەديتسينا قىزمەتكەرلەرىنەن قۇرالعان موبيلدى توپ ۇيىمداستىرىلىپ، وشاقتارعا دەزينفەكسيا جۇرگىزىلۋدە. ەپيدەمياعا قارسى شارالار جالعاسىپ جاتىر» دەلىنگەن حابارلامادا.
قازىرگى ۋاقىتتا وبلىستا كوروناۆيرۋس جۇقتىرعان 190 ادام بار. ونىڭ ىشىندە ەمدەلىپ شىققاندار سانى - 65.
