وزبەكستاندا ءبىر تاۋلىكتە كوروناۆيرۋس جۇقتىرۋعا قاتىستى جاڭا رەكورد كورسەتكىش تىركەلدى

تاشكەنت. ءوزا- قازاقپارات – 7-ماۋسىمدا وزبەكستاندا كوروناۆيرۋس جۇقتىرۋعا قاتىستى رەكورد كورسەتكىش تىركەلىپ، ءبىر تاۋلىكتە ىندەت جۇقتىرعان 237 ازامات انىقتالدى، دەپ حابارلايدى قازاقپارات ءوزا اگەنتتىگىنە سىلتەمە جاساپ.

دەنساۋلىق ساقتاۋ مينيسترلىگىنىڭ كەشكى قورىتىندى جاڭالىعى بويىنشا وزبەكستاندا 237 كىسى كوروناۆيرۋس جۇقتىرعانى بەلگىلى بولىپ، جالپى ىندەت راستالعاندار سانى 4331 گە جەتكەن. «جاڭادان ۆيرۋس جۇقتىرعانداردىڭ بارلىعى كارانتيندەگى باقىلاۋ ورتالىعىندا انىقتالعان. ولاردىڭ 70 پايىزعا جۋىعى تاشكەنت قالاسىنداعى كارانتيندەگى ازاماتتار»، دەلىنگەن حابارلامادا.

سونىمەن قاتار بۇگىن 86 كىسى اۋرۋدان ساۋىعىپ شىقتى. ولاردىڭ جالپى سانى 3354 كە جەتتى. ال بۇگىنگە دەيىن ەلدە 17 ناۋقاس قازا بولعان. قازىرگى ۋاقىتتا رەسپۋبليكا اۋماعىنداعى اۋرۋحانالاردا 960 ناۋقاس ەمدەلىپ جاتىر.