ماسكەۋ تۇرعىنى ءۇيىنىڭ تەرەزەسىنەن وق جاۋدىردى

ماسكەۋ. قازاقپارات - ماسكەۋدىڭ وڭتۇستىك- باتىسىندا بەلگىسىز بىرەۋ ءۇيىنىڭ تەرەزەسىنەن وق جاۋدىرعان.

وقيعادان جولاي ءوتىپ بارا جاتقان ەكى ادام جاراقات الدى، دەپ حابارلايدى قازاقپارات تاسس اگەنتتىگىنە سىلتەمە جاساپ.

بۇل جاعداي كەشە تۇنگى 22:00 شاماسىنداقۇرىلىسشىلار كوشەسىندە بولدى. ەر ادام بەلگىسىز قارۋدان وق جاۋدىرا باستادى. وقيعا ورنىنا ءى ءى م جانە روسگۆارديا قىزمەتكەرلەرى كەلىپ جەتتى. اتىس كەزىندە ءۇيدىڭ جانىنان ءوتىپ بارا جاتقان ەكى ادام جاراقات العان. تەرگەۋ كوميتەتىنىڭ مالىمەتىنشە، ارنايى جاساق قىزمەتكەرى دە جارالاندى.

قاسكوي پاتەردى پوليتسەيلەر شتۋرممەن العاننان كەيىن ۇستالدى.

ىشكى ىستەر مينيسترلىگى كۇدىكتىنىڭ قارسىلىق كورسەتكەنىن مالىمدەدى. ول جارالانىپ، اۋرۋحاناعا جەتكىزىلگەن. كۋاگەرلەردىڭ سوزىنە سەنسەك، اتىس كەم دەگەندە 20 مينۋتقا سوزىلعان. تەرگەۋ كوميتەتى قىلمىستىق كودەكستىڭ ءۇش بابى بويىنشا ءىس قوزعادى.