شاڭدى داۋىل، جەل، اپتاپ ىستىق - دۇيسەنبىگە ارنالعان اۋا رايى

نۇر-سۇلتان. قازاقپارات - قازگيدرومەت 8-ماۋسىمعا ارنالعان اۋا رايى بولجامىن جاريالادى، دەپ حابارلايدى قازاقپارات.

ەرتەڭ، دۇيسەنبىدە ەل اۋماعىنىڭ باسىم بولىگىندە انتيتسيكلوننىڭ اسەرىنەن كۇن اشىق، تەك باتىستا جانە وڭتۇستىكتە اتموسفەرالىق اۋا اعىندارىنىڭ وتۋىنە بايلانىستى اۋا رايى قۇبىلمالى بولادى. رەسپۋبليكانىڭ كەي جەرلەرىندە جەل كۇشەيەدى، وڭتۇستىكتە شاڭدى داۋىل سوعادى. شىعىستا تۇندە كەي جەرلەردە تۇمان ءتۇسۋى ىقتيمال.

باتىس قازاقستان، الماتى، تۇركىستان، كۇندىز جامبىل وبلىستارىنىڭ كەي جەرلەرىندە كۇن كۇركىرەپ، نايزاعاي جارقىلدايدى، جامبىل، تۇركىستان وبلىستارىندا جەلدىڭ ەكپىنى 15-20 م/س جەتىپ، شاڭدى داۋىلعا ۇلاسادى.

قاراعاندى، قىزىلوردا، كۇندىز شىعىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى، قىزىلوردا وبلىسىندا شاڭدى داۋىل تۇرادى، ت ۇندە شىعىس قازاقستان وبلىسىنىڭ كەي جەرلەرىندە تۇمان تۇسەدى.

اتىراۋ وبلىسىندا كۇندىز اپتاپ ىستىق كۇتىلەدى. قىزىلوردا، جامبىل وبلىستارىندا، قاراعاندى، پاۆلودار وبلىستارىنىڭ باسىم بولىگىندە، تۇركىستان، الماتى، اقمولا وبلىستارىنىڭ كەي جەرلەرىندە، اقتوبە وبلىسىنىڭ وڭتۇستىگىندە ءورت قاۋپى وتە جوعارى.