15:28, 04 - ماۋسىم 2020 | GMT +6
قازاقستاننىڭ بارلىق وڭىرىندە اباي مەكتەپ- ينتەرناتتارى اشىلادى
نۇر- سۇلتان. قازاقپارات - قازاقستاننىڭ 10 وڭىرىندە گۋمانيتارلىق پاندەردى تەرەڭدەتىپ وقىتاتىن اباي اتىنداعى مەكتەپ- ينتەرناتتارى اشىلدى، دەپ حابارلايدى قازاقپارات ءتىلشىسى.
بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ حالىق الدىندا ەسەپ بەرۋ بارىسىندا ايتتى.
«ابايدىڭ 175 جىلدىعى اياسىندا گۋمانيتارلىق پاندەردى تەرەڭدەتىپ وقىتاتىن اباي اتىنداعى مەكتەپ- ينتەرناتتارى جەلىسىن قۇرۋ جۇمىستارى باستالىپ كەتتى. بۇل مەكتەپتەر 10 وڭىردە اشىلدى، ەندى جىل سوڭىنا دەيىن قالعان 7 وڭىردە اشۋدى جوسپارلاپ وتىرمىز. بۇل جۇمىستار ءارى قاراي جالعاسادى»، - دەدى مينيستر فەيسبۋك جەلىسىندەگى ونلاين ەسەپ بەرۋدە.
اۆتور: ايجان سەرىكجان قىزى
