كوروناۆيرۋسكە تەكسەرۋ جۇرگىزەتىن روبوتتار قۇراستىرىلۋدا

نۇر-سۇلتان- توكيو. قازاقپارات - جاپونيالىق كومپانيا مەديتسينا قىزمەتكەرلەرى اراسىندا كوروناۆيرۋسكە شالدىعۋ وقيعالارىنىڭ سانىن ازايتۋ ماقساتىندا پ ت ر-تەست جۇرگىزەتىن روبوتتالعان جۇيەنى قۇراستىرۋدا، دەپ حابارلايدى «قازاقپارات» ح ا ا مەنشىكتى ءتىلشىسى.

جاپونيالىق ب ا ق-تاردىڭ مالىمەتىنشە، روبوتتالعان جۇيە بىرنەشە روبوتتان تۇراتىن بولادى. ءبىرىنشىسى ادامنان اناليز الادى.

ەكىنشىسى بيوماتەريالدى زەرتتەۋ قۇرىلعىسىنا سالادى. ال ءۇشىنشىسى رەاگەنتتەرمەن جۇمىس ىستەيدى.

روبوتتاردى «Kawasaki Heavy Industries» جانە «Sysmex»-تىڭ بىرلەسكەن كومپانياسى ويلاپ تاپقان جانە ولار وسىندا قۇراستىرىلماق. جاپونيا كومپانياسىنىڭ وكىلدەرى اتاپ وتكەندەي، باستى ەلەمەنت ناۋقاستاردان اناليز الۋ بولىپ تابىلادى. سەبەبى بۇل دارىگەرلەرگە COVID-19-عا پ ت ر- تەستىلەۋدى قاشىقتان جۇرگىزۋگە مۇمكىندىك بەرەدى. بۇل، ءوز كەزەگىندە ىندەتتى جۇقتىرىپ الۋ ءقاۋپىن ازايتادى. روبوتتاردىڭ ءوندىرىسى قولعا الىنعان كوبە قالاسىندا بيلىك وكىلدەرى كومپانياعا 460 مىڭ دوللار كولەمىندە قارجىلاي كومەك كورسەتپەك. سونداي-اق اۋرۋحانالار مەن وزگە دە مەكەمەلەردە سىناق الاڭدارىن ۇسىنادى.