قازاقستان الەمدىك ىندەتكە قاراماستان شەتەلدەگى قانداستاردى وقۋعا قابىلدايدى

«وتانداستار قورى» بۇل اقپاراتتىڭ جالعان ەكەنىن مالىمدەيدى، دەپ حابارلايدى قازاقپارات.

«وسى ورايدا «دۇنيەجۇزى قازاقتارى قاۋىمداستىعى» ر ق ب جانە «وتانداستار قورى» ك ە ا ق قازاقستان رەسپۋبليكاسى ۇكىمەتىنىڭ 2018 -جىلعى 16 -ساۋىردەگى №199 قاۋلىسىنا سايكەس 2020-2021 وقۋ جىلىنا رەسپۋبليكالىق بيۋدجەتتەن قارجىلاندىرىلاتىن ءبىلىم بەرۋ ۇيىمدارىندا جوعارى وقۋ ورىندارىنىڭ دايىندىق بولىمىنە قازاقستان رەسپۋبليكاسىنىڭ ازاماتتارى بولىپ تابىلمايتىن ۇلتى قازاق ادامداردى وقىتۋعا 1300 ورىن بولىنگەنىن حابارلايدى» ، دەلىنگەن وتانداستار قورى تاراتقان اقپاراتتا.

قور ۇمىتكەرلەردەن قۇجاتتاردى قابىلداۋ تۋرالى اقپاراتتى قابىلداۋ ەرەجەسى بەكىتىلگەننەن كەيىن قوسىمشا جولدايتىنىن جەتكىزدى.

ناقتى اقپارات الۋ ءۇشىن قوردىڭ تەلەفونىنا حابارلۋعا بولادى:

1404 (بارلىق قازاقستاندىق ءموبيلدى وپەراتورلار ءۇشىن تەگىن) ؛

8000801404 (بارلىق قازاقستاندىق قالالىق قوڭىراۋلار ءۇشىن تەگىن) ؛

77172981404 (بارلىق قازاقستانداعى قالا قوڭىراۋلارى ءۇشىن تەگىن، حالىقارالىق قوڭىراۋلار ءۇشىن شەتەلدىك وپەراتورلار بەلگىلەگەن باعامەن) ؛

87010001404 (WhatsApp, Telegram حابارلاما مەن قوڭىراۋ ءۇشىن) .

سونداي- اق، قوردىڭ الەۋمەتتىك جەلىدەگى پاراقشالارىنان (Facebook, Instagram, Twitter، Telegram) كەڭەس الۋعا بولادى.