الماتىدا كوروناۆيرۋس جۇقتىرعاندار سانى ازايماي وتىر - بەكشين

الماتى. قازاقپارات - الماتىدا ۆيرۋس جۇقتىرعانداردىڭ سانى ازايماي وتىر. بۇل تۋرالى الماتى قالاسىنىڭ باس مەملەكەتتىك سانيتار دارىگەرى جانداربەك بەكشين بريفينگ بارىسىندا ايتتى، دەپ حابارلايدى قازاقپارات ءتىلشىسى.

«الماتى قالاسىندا ۆيرۋستى سىرتتان اكەلگەندەردىڭ ۇلەسى - %3,7. پروفيلاكتيكالىق تەكسەرۋ كەزىندە 783 ادامنان ۆيرۋس تابىلدى، ول - بارلىق ناۋقاستاردىڭ %28,8. ءوز ەركىمەن تەكسەرىسكە كەلگەندەر ۇلەسى - %3,3، بايلانىستا بولعاندار - 1842 ادام، ياعني %67,8. 1647 ادام نەمەسە پاتسيەنتتەردىڭ %60 جازىلىپ، ۇيىنە شىقتى» ، - دەيدى جانداربەك بەكشين.

ونىڭ ايتۋىنشا، قازىر الماتىدا كوروناۆيرۋس جۇقتىرعان 2715 ادام بار. قالادا ىندەت جۇقتىرۋ فاكتىلەرى ازايماي وتىرعاندىقتان كارانتين شارالارى ساقتالادى.