08:05, 03 - ماۋسىم 2020 | GMT +6
ەلوردا تۇرعىندارىنا باقشانى تۇندە عانا سۋارۋ ۇسىنىلدى
نۇر- سۇلتان. قازاقپارات - «استانا سۋ ارناسى» م ك ك باۋ- باقشا سۋاراتىن ەلوردا تۇرعىندارىنا مالىمدەمە جاسادى، دەپ حابارلايدى قازاقپارات.
«قۇرمەتتى نۇر- سۇلتان قالاسىنىڭ تۇرعىندارى! كۇننىڭ ىسىپ كەتۋىنە بايلانىستى اۋىز سۋ تاپشىلىعىنىڭ الدىن الۋ ماقساتىندا «استانا سۋ ارناسى» م ك ك باۋ- باقشانى اپتاسىنا ەكى رەت ساعات 23.00 - 06:00 ارالىعىندا سۋارۋ قاجەتتىگىن مالىمدەيدى. ويتكەنى، سۋ قۇبىرلارى جەلىسىندە ءۇي ماڭىنداعى ۋچاسكەلەر مەن جاس كوشەتتەردى سۋارۋ ەسەپتەلمەگەن»، - دەپ مالىمدەدى مەكەمە.
سونىمەن بىرگە، تۇرعىندارعا ىڭعايلى بولۋ ءۇشىن باۋ- باقشا سۋاراتىن سۋدى ۇلكەن ىدىسقا الدىن الا جيناپ قويۋ ۇسىنىلادى.
اۆتور: ايجان سەرىكجان قىزى
