استانادا كوپقاباتتى ءۇيدىڭ كىرەبەرىسىنەن ەر ادامنىڭ ءمايىتى تابىلدى

نۇر- سۇلتان. قازاقپارات - ەلوردادا كوپقاباتتى ءۇيدىڭ كىرەبەرىسىنەن ەر ادامنىڭ مۇردەسى تابىلدى، دەپ حابارلايدى قازاقپارات ءتىلشىسى Polisia.kz پورتالىنا سىلتەمە جاساپ.

تاراتىلعان اقپاراتقا سايكەس، 26 - مامىر كۇنى «102» پۋلتىنە تۇرعىن ۇيلەردىڭ پودەزىندە باسپالداقتا جاتقان ەر ادامنىڭ دەنەسى تابىلعانى تۋرالى حابارلاما تۇسكەن. وقيعا ورنىن قاراۋ بارىسىندا سول ۇيدە تۇراتىن 47 جاستاعى تۇرعىن اڭشى مىلتىعىنان ءوز- وزىنە وق اتقانى انىقتالعان.

«ەر ادامنىڭ موبيلدىك تەلەفونىن قاراۋ بارىسىندا ولەر الدىندا جازىپ كەتكەن حابارلاماسى تابىلدى. قازا تاپقان ازامات 2019 -جىلدان بەرى اجىراسقانى جانە سوڭعى ۋاقىتتا جالعىز تۇراتىندىعى انىقتالدى. اتىنا تىركەلگەن «سايگا- م2 ماركالى اڭشى مىلتىعى بولعان»، - دەلىنگەن ەلوردالىق پوليتسيا حابارلاماسىندا.

قىلمىستىق ءىس اياسىندا قاجەتتى ساراپتامالار تاعايىندالىپ، تەرگەۋ امالدارى جۇرگىزىلىپ جاتىر.

اۆتور: مارلان جيەمباي