«ەر ادام بالانى ۇرلاماق بولدى» - ق ر ءى ءى م جەلىدەگى ۆيدەوعا جاۋاپ بەردى
ق ر ىشكى ىستەر مينيسترلىگى بۇل وقيعانىڭ ءمان- جايىن ايتتى، دەپ حابارلايدى قازاقپارات ءتىلشىسى.
«بۇل اقپارات شىندىققا سايكەس كەلمەيدى. بالانى ۇرلاۋ فاكتىسى تىركەلگەن جوق»، - دەدى ۆەدومستۆودان.
پوليتسيانىڭ انىقتاۋىنشا، 18-مامىردا ساعات 18.30 شاماسىندا 33 جاستاعى پاۆلودارلىق وتباسىمەن بىرگە ءوز كولىگىمەن ۇيىنە قايتىپ بارا جاتقان. دونەتسكايا كوشەسىندەگى ءۇيدىڭ اۋلاسىندا ونىڭ قىزى ءوزى كۇندەلىكتى تاماقتاندىرىپ، قامقورلىق كورسەتىپ جۇرگەن مىسىعىن كوشەدەگى ۇلداردىڭ ءبىرى قابىرعاعا سوققىلاپ جاتقانىن كورگەن.
كوزىمەن كورگەن جايدان قىز بالا قاتتى شوشىنىپ، جىلاي باستاعان. وسى كەزدە اكەسى كولىگىن توقتاتىپ، ۇل بالانى قۋىپ جەتىپ، وعان ەسكەرتۋ جاساعان. ءۇي جانۋارىن بۇلاي قيناۋعا بولمايتىنىن ايتقان. كەيىن كولىگىنە وتىرىپ، كەتىپ قالعان. بولعان وقيعانى ۇل بالانىڭ اناسى كورىپ، پوليتسياعا حابار بەرگەن. الايدا، تەكسەرۋ كەزىندە جاس ءوسپىرىم بالانىڭ دەنەسىنەن ەشقانداي جاراقات انىقتالماعان. ايتسە دە 33 جاستاعى ەر ادامنىڭ ۇستىنەن اكىمشىلىك كودەكستىڭ 73-بابى 2-بولىگى بويىنشا حاتتاما تولتىرىلىپ، ول 5 تاۋلىككە قامالدى.
