اقتوبە اكىمدىگىنىڭ شەنەۋنىگىنە قاتىستى قىلمىستىق ءىس قوزعالدى

نۇر-سۇلتان. قازاقپارات - «اقتوبە قالاسى اكىمى اپپاراتى» مەملەكەتتىك مەكەمەسىنىڭ ءبىر باسشىسىنا قاتىستى قىلمىستىق ءىستى تەرگەلۋدە.

بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگى 1-دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيعايداروۆ ايتتى، دەپ حابارلايدى قازاقپارات ءتىلشىسى.

«اتالعان تۇلعا 2019 -جىلدىڭ قازان ايىنان باستاپ 2020 -جىلدىڭ ناۋرىز ايىنا دەيىن مەكەمەنىڭ باسقا قىزمەتكەرى جانە جەكە كاسىپكەرلەرمەن الدىن الا كەلىسىم جاساي وتىرىپ، جالعان مەملەكەتتىك ساتىپ الۋ تۋرالى كەلىسىم- شارتتار جاساسۋ ارقىلى 9,9 ميلليون تەڭگە سوماسىنداعى بيۋدجەت قاراجاتىن جىمقىردى دەپ كۇدىكتەلۋدە»، - دەدى دەپارتامەنت تەرگەۋشىسى اگەنتتى الاڭىندا وتكەن ونلاين بريفينگ بارىسىندا.

ونىڭ اتاپ وتۋىنشە، 2020 -جىلدىڭ 6-ناۋرىزىندا كۇدىكتى مەردىگەردەن 1,9 ميلليون تەڭگە مولشەردە قولما-قول اقشانى الۋ كەزىندە ۇستالدى. «7-ناۋرىزدا وعان 2 اي مەرزىمگە «قاماۋدا ۇستاۋ» تۇرىندەگى بۇلتارتپاۋ شاراسى سانكسيالاندى. كۇدىكتىلەرگە قاتىستى سوڭعى شەشىمدى سوت ولاردىڭ كىناسىنىڭ دارەجەسىن انىقتاي وتىرىپ شىعارادى»، - دەدى دانيار بيعايداروۆ.

اۆتور: مارلان جيەمباي