بەردىبەك ساپاربايەۆ قوردايداعى قوعامدىق- ساياسي احۋال تۋرالى ايتتى
ءوڭىر باسشىسى قورداي اۋدانىندا بولعان جاعداي تۇرعىنداردى ءالى دە تولعاندىرىپ جۇرگەنىن جەتكىزدى.
«بىرىنشىدەن، قازىر بۇل اۋداندا الەۋمەتتىك، قوعامدىق- ساياسي جاعداي تۇراقتالدى. بارلىق ماسەلە باقىلاۋدا. مەملەكەت باسشىسىنىڭ تاپسىرماسى بويىنشا قۇرىلعان جۇمىس توبى بارلىق ماسەلەنى باقىلاۋعا الىپ، قابىلدانعان ءىس- شارالار جوسپارىنا سايكەس جۇمىس ءجۇرىپ جاتىر. قازىرگى تاڭدا ءبىز زارداپ شەككەن ازاماتتارعا دەمەۋشىلەردىڭ ەسەبىنەن 44 ميلليون تەڭگە كولەمىندە كومەك بەردىك»، - دەدى ب. ساپاربايەۆ. قورداي اۋدانىندا ورتاشا دارەجەدە زاقىم كەلگەن بارلىعى 110 ءۇي قالپىنا كەلتىرىلدى.
«قازىر قالعان 39 تۇرعىن ءۇي مەن 20 كوممەرتسيالىق نىساندى جوندەپ جاتىرمىز. قايتا قالپىنا كەلتىرۋ جۇمىستارىن وسى جىلدىڭ تامىزىندا اياقتاۋ جوسپارلانىپ وتىر. وعان قوسىمشا، قازىرگى تاڭدا ىندەتپەن قاتار كەلگەن داعدارىسقا بايلانىستى مەملەكەت تاراپىنان جۇمىسپەن قامتۋ، الەۋمەتتىك نىسانداردى جوندەۋ، سالۋ جونىندە قولعا الىنىپ جاتقان اۋقىمدى شارالار اياسىندا قورداي اۋدانىنىڭ وزىندە جۇزدەن استام جوبانى جۇزەگە اسىرۋعا 20,5 ميلليارد تەڭگە قارجى ءبولىندى. بۇل قارجى نەگىزىنەن زارداپ شەككەن قاراكەمەر، ماسانچي، سورتوبە، بۇلار باتىر، اۋقاتتى اۋىلدارىنا مەكتەپ، سپورت، مادەنيەت نىساندارىن سالۋعا، جولداردى جوندەۋگە، اۋىز سۋ، جارىق جانە گازبەن قامتاماسىز ەتۋگە جۇمسالماق»، - دەدى ب. ساپاربايەۆ.
بريفينگ سوڭىندا بەردىبەك ساپاربايەۆ الەۋمەتتىك جەلى ارقىلى كەلىپ تۇسكەن تۇرعىنداردىڭ سۇراقتارىنا جاۋاپ بەردى. ءوڭىر باسشىسى بارلىق تالاپتار ساقتالاتىن بولسا، وبلىس ورتالىعىندا قوعامدىق كولىكتەردىڭ قوزعالىسىنا تاڭەرتەڭ، تۇستە جانە كەشكە رۇقسات بەرىلەتىنىن اتاپ ءوتتى. ول بۇل ماسەلەنىڭ قارالاتىنىن جەتكىزدى. سونداي- اق وبلىس اكىمىنىڭ ايتۋىنشا، بازار ادام كوپ شوعىرلاناتىن اۋماق بولعاندىقتان، وندا ۆيرۋستىڭ تارالۋ مۇمكىندىگى جوعارى. سول سەبەپتى قاتاڭ سانيتارلىق تالاپتار ساقتالاتىن كەزدە عانا، بارلىق جاۋاپكەرشىلىكتى بازار باسشىلىعى ءوز موينىنا الىپ، ساقتىق، ءتارتىپ، تازالىق شارالارىنا مۇقيات ءمان بەرەتىن بولسا، ول نىسانداردىڭ جۇمىسىن جانداندىرۋ الداعى شتاب وتىرىسىندا سارالاناتىنى ايتىلدى. ەسكە سالايىق، 7 -اقپان كۇنى جامبىل وبلىسى قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولدى. ق ر پرەزيدەنتى قاسىم- جومارت توقايەۆ بۇزاقىلىق سيپاتتاعى تارتىپسىزدىكتى ارانداتۋشىلار ءوز پايداسىنا قولدانباق بولعانىن مالىمدەدى. ۇكىمەتتىك كوميسسيا قۇرىلدى، باس پروكۋراتۋراعا، ۇلتتىق قاۋىپسىزدىك كوميتەتىنە ءتيىستى تاپسىرمالار بەرىلدى. تارتىپسىزدىكتەر كەيىن قورداي، اۋقاتتى، سورتوبە ەلدى مەكەندەرىندە دە بولدى. ءمالىم ەتىلگەندەي، جانجالعا باسقا اۋىلداردان كەلگەن 300 دەن استام ادام قوسىلعان.
