23:10, 26 - مامىر 2020 | GMT +5
قازاقستان مەن موڭعوليا سوتتالعانداردى بەرۋ تۋرالى كەلىستى
نۇر- سۇلتان. قازاقپارات - قازاقستان مەن موڭعوليا سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى گراموتالارمەن الماستى، دەپ حابارلايدى ق ر سىرتقى ىستەر مينيسترلىگى.
«قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشيەۆ پەن موڭعوليانىڭ قازاقستانداعى ەلشىسى لۋاسان باتتۋلگا 2018 -جىلعى 29 - ناۋرىزدا قازاقستاننىڭ ەلورداسىندا جاسالعان قازاقستان رەسپۋبليكاسى مەن موڭعوليا اراسىنداعى سوتتالعان ادامداردى بەرۋ تۋرالى شارتتى راتيفيكاتسيالاۋ تۋرالى گراموتالارمەن الماستى. وسى شارتتىڭ 21-بابىنىڭ 1-تارماعىنا سايكەس، ول راتيفيكاتسيالاۋ گراموتالارىمەن الماسقان كۇننەن باستاپ وتىز كۇننەن كەيىن كۇشىنە ەنەدى» دەلىنگەن مينيسترلىك اقپاراتىندا.
سونداي- اق ءمالىم ەتىلگەندەي، تاراپتار ەكىجاقتى ىنتىماقتاستىقتىڭ وزەكتى ماسەلەلەرىن تالقىلاپ، COVID-19 ىندەتى توڭىرەگىندەگى احۋال تۇراقتالعاننان كەيىن ءبىرقاتار ماڭىزدى ءىس- شارالاردى وتكىزۋگە ۋاعدالاسقان.
www.24.kz
