جامبىل وبلىسىندا ءبىر وتباسىنان ءۇش بالا كوروناۆيرۋس جۇقتىردى
25-مامىر كۇنى جامبىل وبلىسىندا كوروناۆيرۋس ينفەكسياسىنا شالدىعۋدىڭ جاڭادان 51 جاعدايى تىركەلگەن بولاتىن. تاراز قالاسىندا انىقتالعان 49 وقيعانىڭ 48 ى - ناۋقاستارمەن بايلانىستا بولعاندار. ءبىر جاعداي قالانىڭ 69 جاستاعى تۇرعىنىنان انىقتالدى. ول ج ر ۆ ي بەلگىلەرىمەن ينفەكسيالىق ستاتسيونارعا جاتقىزىلعان. ناۋقاستاردىڭ قاتارىندا 1 جاستان 12 جاسقا دەيىنگى كامەلەتكە تولماعان 6 بالا بار. ولاردىڭ اراسىندا، ءۇش بالا - ءبىر وتباسىنان.
«لابوراتوريالىق زەرتتەۋلەر ناتيجەلەرىمەن COVID-19 ءبىر وتباسىنىڭ ءتورت مۇشەسىندە، ونىڭ ىشىندە 2005, 2008 جانە 2016 -جىلى تۋعان بالالاردا راستالدى. ولار بۇعان دەيىن دەرت جۇقتىرعان تۋىسىمەن بايلانىستا بولعان. سونىمەن قاتار، ت. رىسقۇلوۆ اۋدانىندا ەكى جاعداي انىقتالدى. اۋرۋ 1991 -جىلى تۋعان ەر ادامدا جانە 1993 -جىلى تۋعان جۇكتى ايەلدەن تابىلدى. ەكەۋى دە ناۋقاسپەن بايلانىستا بولعان تۇلعا رەتىندە بۇعان دەيىن وقشاۋلاندىرىلعان»، - دەلىنگەن حابارلامادا.
بارلىق ناۋقاستار جۇقپالى اۋرۋلار اۋرۋحاناسىنا جەتكىزىلدى. ولارمەن بايلانىستا بولعاندار انىقتالىپ، كارانتينگە الىندى. وشاقتاردا دەزينفەكتسيالىق وڭدەۋ شارالارى جۇرگىزىلدى. بۇگىنگە دەيىن جامبىل وبلىسىندا كوروناۆيرۋس ىندەتىنىڭ 343 جاعدايى تىركەلدى. ولاردىڭ 173 ى ساۋىعىپ، دارىگەرلەردىڭ باقىلاۋىنداعى ءۇي كارانتينىنە شىعارىلدى.
