13:55, 26 - مامىر 2020 | GMT +5
دارىگەرلەر بلوكپوستا زارداپ شەككەن ءۇشىنشى پوليتسەيدىڭ جاعدايىن ايتتى
الماتى. قازاقپارات - الماتىدا بلوكپوستتا بولعان جول اپاتىندا زارداپ شەككەن پوليتسيا قىزمەتكەرىنىڭ جاعدايى بەلگىلى بولدى، دەپ حابارلايدى قازاقپارات ءتىلشىسى.
قالالىق قوعامدىق دەنساۋلىق باسقارماسىنىڭ حابارلاۋىنشا، پاتسيەنت №7-قالالىق كلينيكالىق اۋرۋحاناعا جەتكىزىلگەن.
«تەكسەرۋ بارىسىندا كومپيۋتەرلىك توموگرافيا ناتيجەسىندە قوسارلاسقان جاراقات، باسىنىڭ شۇيدە بولىگىنىڭ جاراقاتى، مي سوققى العانى انىقتالدى. باس سۇيەگىنىڭ ارتقى بولىگىنە قان كەتكەن. بەت سۇيەگىنىڭ سول جاعى سىنعان. باسىنىڭ، بەتىنىڭ، بەلىنىڭ جۇمساق تىندەرى سوعىلعان. نەيروحيرۋرگتاردىڭ كونسيليۋمى وتكىزىلدى. ناتيجەسىندە باس سۇيەگى اشىلىپ، ۇيىعان قان الىندى. قازىر جاعدايى اۋىر. جانساقتاۋ بولىمىندە جاتىر»، - دەدى №7-اۋرۋحانا باس دارىگەرىنىڭ حيرۋرگيا بويىنشا ورىنباسارىنىڭ مىندەتىن اتقارۋشى يلدار قۇرمايەۆ.
