12:23, 26 - مامىر 2020 | GMT +5
الماتىدا كوروناۆيرۋستان قايتىس بولعاندار زيراتىندا جەرلەنگەندەر نەگە كوپ
الماتى. قازاقپارات - الماتى اكىمىنىڭ ءبىرىنشى ورىنباسارى ەرلان قوجاعاپانوۆ كوروناۆيرۋستان قايتىس بولعانداردىڭ زيراتىندا نەگە 32 ادام جەرلەنگەنىن ءتۇسىندىردى، دەپ حابارلايدى قازاقپارات ءتىلشىسى.
«بۇگىندە قالادا كوروناۆيرۋستان الماتىدا 10 ادام قايتىس بولعان. قالعان 22 ادام - كوروناۆيرۋس ينفەكسياسى قوسىمشا دياگنوز رەتىندە قويىلعاندار»،- دەدى ەرلان قوجاعاپانوۆ.
مۇنىڭ الدىندا ءبىرقاتار ب ا ق زيراتتا 32 ادام جەرلەنگەنىن، تاعى 12 ورىن دايىندالعانىن جازعان بولاتىن. ايتا كەتەيىك، بۇگىنگە دەيىن الماتىدا كوروناۆيرۋستىڭ جالپى 2276 جاعدايى راستالدى. ىندەتتەن جازىلدى - 1276 ناۋقاس.
