گەرمانيا ەكونوميكاسى قۇلدىراپ كەتتى
گەرمانيانىڭ فەدەرالدى ستاتيستيكا باسقارماسى ەلدىڭ ىشكى جالپى ءونىمى ءبىرىنشى توقساندا وتكەن توقسانمەن سالىستىرعاندا %2,2 ازايعانىن راستادى. مۇنداي جاعداي 2008 -جىلعى قارجى داعدارىسىنان بەرى العاش رەت بولىپ وتىر. بۇل ەڭ الدىمەن تۇتىنۋشى شىعىندارىنىڭ - %3,2، كومپانيالاردىڭ كاسىپورىندار مەن جابدىقتارعا سالىنعان ينۆەستيتسياسىنىڭ - %6,9، ەكسپورتتىڭ - %3,1، يمپورتتىڭ - %1,6 دەيىن تومەندەۋىنە بايلانىستى بولىپ وتىر.
گەرمانيا ۇكىمەتى ەكىنشى دۇنيەجۇزى سوعىسىنان بەرگى ەڭ كۇردەلى ەكونوميكالىق قۇلدىراۋدى كۇتىپ وتىر. بيىل ىشكى جالپى ءونىم % 6,3 دەيىن قىسقارادى دەگەن بولجام بار. ايتا كەتەيىك، گەرمانيا ەكونوميكاسى بارىنەن بۇرىن ونەركاسىپ ەكسپورتىنا تاۋەلدى. بۇل سالا كوروناۆيرۋس پاندەمياسىنا دەيىن- اق ۇلىبريتانيانىڭ ەۋروپا وداعىنان شىعۋى مەن اقش پەن قىتاي اراسىنداعى ساۋدا ەگەسى تۇسىندا تۇراقسىزدىققا ۇشىراپ، ءبىراز زارداپ شەككەن. ونەركاسىپ تاپسىرىستارى اقپان مەن ناۋرىز ارالىعىندا %9 دەيىن ازايدى. بۇل - 1991 -جىلدان بەرگى ەڭ تومەن كورسەتكىش.
