اۆتوتۇراقتاعى اتىسقا قاتىستى توعىز ادام ۇستالدى
«قازىرگى ۋاقىتتا جارالانعان اداممەن بىرگە، بارلىعى توعىز كۇدىكتى ۇستالدى. ءارقايسىسىنىڭ اتىسقا قاتىسى بار- جوعى انىقتالۋدا»، - دەدى قۇقىق قورعاۋ ورگانىنداعى دەرەككوز.
وقيعا 24-مامىر كۇنى كەشكە «ياسنىي» تۇرعىن ءۇي كەشەنى جانىنداعى اۆتوتۇراق اۋماعىندا بولدى. اتىس ۇيىمداستىرعاندار بىرنەشە كولىكپەن جاسىرىنىپ ۇلگەرگەن. ولاردى ىزدەستىرۋ ءۇشىن «قولعا ءتۇسىرۋ» جوسپارى جاريالاندى. ۇستالعانداردىڭ تورتەۋى - ورىنبوردان كەلگەن. قۇقىق قورعاۋ ورگاندارىنىڭ حابارلاۋىنشا، جانجالعا سەگىزدەن كوپ ادام قاتىسقان. الدىن الا دەرەكتەرگە سايكەس، ولار ءبىر-بىرىنە تراۆماتيكالىق تاپانشادان جانە «سايگا»، «ۆەر» اڭشى مىلتىقتارىنان وق اتقان. اتالعان فاكتى نەگىزىندە ر ف قىلمىستىق كودەكسىنىڭ ءۇش بابى («ادام ولتىرۋگە وقتالۋ»، «زاڭسىز قارۋ- جاراق اينالىمى»، «بۇزاقىلىق») بويىنشا قىلمىستىق ءىس قوزعالدى.
