09:26, 25 - مامىر 2020 | GMT +5
بلوكپوستاعى كولىك اپاتى: جاراقات العان ەكىنشى پوليتسەي كوز جۇمدى
الماتى وبلىسى. قازاقپارات- الماتى وبلىسىنداعى بلوكپوستابولعان كولىك اپاتىنان ەكىنشى پوليتسەي كوز جۇمدى، دەپ حابارلايدى قازاقپارات ءتىلشىسى.
الماتى قالالىق پ د باسپا ءسوز قىزمەتىنىڭ حابارلاۋىنشا، بۇگىن تاڭەرتەڭ شامامەن تاڭعى ساعات 05:30 دا الماتى وبلىسى، قاراساي اۋدانى، كوكساي اۋىلىندا بولعان جول- كولىك وقيعاسىندا جاراقات العان پوليتسيا سەرجانتى داستان ءابدىقانوۆ ەسىن جيماستان اۋرۋحانادا كوز جۇمدى.
«پوليتسيا سەرجانتى ءابدىقانوۆ داستان ماراتجان ۇلى، 1994 -جىلى تۋعان، الماتى قالاسىنىڭ تۋماسى. ول ىشكى ىستەر ورگاندارىندا 2016 -جىلدان بەرى قىزمەت ەتكەن. ۇيلەنگەن، ءبىر ايلىق قىزى بار»، - دەپ حابارلادى پوليتسيادان.
ەسكە سالايىق، 1992 -جىلى تۋعان ا. ەسىمدى ازامات «ۆمw» №4 بلوكپوستى بۇزىپ وتكەن. اپات سالدارىنان پوليتسيا اعا لەيتەنانتى 1978 -جىلى تۋعان جالعاس جانعازيەۆ وقيعا ورنىندا مەرت بولعان ەدى.
