13:04, 23 - مامىر 2020 | GMT +5
رامزان قادىروۆتىڭ كوروناۆيرۋس جۇقتىرعانى راس پا؟
نۇر-سۇلتان. قازاقپارات- شەشەنستان پارلامەنتىنىڭ سپيكەرى ماگومەد داۋدوۆ رامزان قادىروۆتىڭ كوروناۆيرۋسقا شالدىققانى جايلى اقپاراتتى جوققا شىعاردى، دەپ حابارلايدى «حابار 24»
ونىڭ ايتۋىنشا، ب ا ق بەتتەرىندەگى تارالعان مالىمەت قاۋەسەت بولىپ سانالادى. داۋدوۆ مەملەكەت باسشىسىنىڭ دەنساۋلىعى جاقسى دەپ وتىر. ەسكە سالايىق، تاياۋدا شەشەنستان رەسپۋبليكاسىنىڭ باسشىسى رامزان قادىروۆتان كوروناۆيرۋس بەلگىلەرى بايقالىپ، پرەزيدەنت ماسكەۋ اۋرۋحانالارىنىڭ بىرىنە ءتۇستى دەگەن اقپارات جەلدەي تاراپ كەتكەن.
جالپى، شەشەنستان رەسپۋبليكاسىندا «كوۆيد-19» دەرتىنە شالدىققان ناۋقاستاردىڭ سانى ءبىر مىڭنان استى. ىندەتتەن 11 ادام كوز جۇمدى. مامىردىڭ 16سىنان باستاپ ەلدە كارانتين شەكتەۋلەرى بىرتىندەپ جەڭىلدەي باستادى.
