ىندەت باستالعالى قازاقستانعا قاي ەلدەردەن گۋمانيتارلىق كومەك كەلدى

نۇر- سۇلتان. قازاقپارات - «س ق- فارماتسيا» ج ش س- ءنىڭ باسقارما ءتوراعاسى بەرىك ءشارىپ الەمدە پاندەميا جاريالانعالى بەرى قازاقستانعا قاي ەلدەردەن گۋمانيتارلىق كومەك كەلگەنىن ايتتى، دەپ حابارلايدى قازاقپارات ءتىلشىسى.

«جىل باسىنان بەرى سىرتقى ىستەر مينيسترلىگى جۇرگىزگەن جۇمىستاردىڭ ارقاسىندا ا ق ش- تان، بىرىككەن اراب امىرلىكتەرىنەن، قىتاي، ءۇندىستان، پاكىستان، رەسەيدەن گۋمانيتارلىق كومەك الدىق. ساپاسى مەن سانى جاعىنان كومەك سيپاتى ءارتۇرلى بولدى. ماسەلەن كەيبىر ەلدەن جەكە قورعانىس قۇرالدارى جەتكىزىلسە، كەيبەر ەلدەن ءدارى- دارمەك كەلىپ جاتتى. ماسەلەن سوڭعى رەتتىك سانى بويىنشا تۇركيا قازاقستانعا ءبىرشاما ءدارى- دارمەك جىبەردى» ، - دەدى بەرىك ءشارىپ دەنساۋلىق ساقتاۋ مينيسترلىگىنىڭ Facebook پاراقشاسىندا بەرگەن سۇحباتىندا.

ونىڭ ايتۋىنشا، گۋمانيتارلىق كومەكتىڭ اۋقىمى كەڭ. «47 مىڭ قورعاۋشى كومبينەزون، جارتى ميلليونعا جۋىق ماسكا، COVID-2019 اۋرۋىن انىقتايتىن 80 مىڭعا تارتا تەست جۇيەسى، كوروناۆيرۋستى ەمدەۋگە ارنالعان ءدارى- دارمەكتى، گيدروسليحلورين، حلورينو- فوسفات، ءتورت قاباتتى ماسكا دا كەلدى» ، - دەدى ول.

«س ق- فارماتسيا» ج ش س- ءنىڭ باسقارما ءتوراعاسى وسى كومەكتىڭ ءبارى دە قاجەتتىلىككە قاراي وڭىرلەرگە تاراتىلعانىن حابارلادى.