11:57, 21 - مامىر 2020 | GMT +5
جوعارعى سوتتىڭ سۋديالارى قىزمەتىنەن بوساتىلدى
نۇر-سۇلتان. قازاقپارات - پارلامەنت سەناتىنىڭ جالپى وتىرىسىندا ق ر جوعارعى سوتىنىڭ سۋديالارى قىزمەتىنەن بوساتىلدى، دەپ حابارلايدى قازاقپارات ءتىلشىسى.
«مەملەكەت باسشىسى سىزدەردىڭ قاراۋلارىڭىزعا باۋىرجان جۇماعۇلوۆتى، اسقار سمايىلوۆتى باسقا لاۋازىمعا تاعايىندالۋىنا بايلانىستى جوعارعى سوت سۋدياسى قىزمەتتەرىنەن بوساتۋ تۋرالى ۇسىنىم ەنگىزدى. پرەزيدەنتتىڭ جارلىعىمەن جۋىردا سمايىلوۆ الماتى قالالىق سوتىنىڭ ءتوراعاسى قىزمەتىنە، ال جۇماعۇلوۆ اتىراۋ وبلىستىق سوتىنىڭ ءتوراعاسى قىزمەتىنە تاعايىندالدى»، - دەدى جوعارى سوت كەڭەسىنىڭ ءتوراعاسى تالعات دوناقوۆ.
بۇدان بۇرىن حابارلانعانداي، ءساۋىر ايىندا اتىراۋ وبلىستىق سوتىنىڭ ءتوراعاسى قىزمەتىنە باۋىرجان جۇماعۇلوۆ تاعايىندالدى. سونىمەن قاتار اسقار سمايىلوۆ الماتى قالالىق سوتىنىڭ ءتوراعاسى بولدى.
