يتاليالىق ايەل لوتەرەيادان پابلو پيكاسسونىڭ كارتيناسىن ۇتىپ الدى
كارتينا 1921 -جىلى سالىنعان. ناتيۋرمورت. Christie's اۋكتسيون ءۇيى ۇيىمداستىرعان ويىندا 50 مىڭ بيلەت ويناتىلعان. ءار بيلەت 100 ەۋروعا ساتىپ الىنعان.
«ءتىپتى كارتينا ءۇيدىڭ قابىرعاسىندا ءىلىنىپ تۇرسا دا، ونى ۇرلاپ كەتەدى دەيتىندەي قاۋىپ جوق. ارينە، ونى ساقتاندىرۋ كەرەك بولادى. ءبىراق بۇل كارتينانى ميلليونداعان ادام كورگەن. ءبىر دە ءبىر ۇرى ونى قايتا ساتا المايدى»، - دەيدى لوتەرەيا ۇيىمداستىرۋشىسى پەري كوشەن.
جينالعان اقشادان 900 مىڭ ەۋرو كارتينانىڭ بۇعان دەيىنگى يەسىنە بەرىلەدى. قالعان سوما قايىرىمدىلىق ۇيىمدارىنا اۋدارىلادى. ول ۇيىمداردىڭ ماقساتى - ماداگاسكار مەن كامەرۋندى تازا اۋىز سۋمەن قامتاماسىز ەتۋ.
«تازا سۋسىز ءومىر ءسۇرۋ مۇمكىن ەمەس. كوروناۆيرۋس ادام ءومىرى سۋسىز قانشالىقتى قيىن ەكەنىن بىزگە كورسەتىپ بەردى. قول جۋۋ - كوروناۆيرۋستان ساقتانۋدىڭ ەڭ ءتيىمدى جولى. ءبىراق سۋ بولماسا، قولىڭدى قالاي جۋاسىڭ؟»، - دەپ اتاپ ءوتتى كوشەن.
ۇيىمداستىرۋشىلاردىڭ ايتۋىنشا، باقىتتى بيلەت جەلتوقساندا ساتىپ الىنىپ، لوتەرەيا جەڭىمپازىنا سىيعا بەرىلگەن.
