الماتى وبلىسىندا ساۋنادا دەمالعان پروكۋرور قىزمەتتەن بوساتىلدى

نۇر-سۇلتان. قازاقپارات - ت ج رەجيمى كەزەندى ارىپتەستەرى جانە سۋديالارمەن ساۋنادا دەمالعان الماتى وبلىسىندا پانفيلوۆ اۋدانىنىڭ پروكۋرورى سايان شالعىمبايەۆ جۇمىستان شىعارىلدى، - دەپ حابارلايدى Tengrinews.kz ءتىلشىسى.

بۇل اقپاراتتى ق ر باس پروكۋراتۋراسىنىڭ باسپا ءسوز قىزمەتىندەگىلەر راستادى.

«ول جۇمىستان شىعارىلدى»، - دەپ مالىمدەدى ۆەدومستۆوداعىلار.

بۇعان دەيىن جوعارعى سوت ءتوراعاسى جاقىپ اسانوۆ روليككە ءتۇسىپ قالعان الماتى وبلىسى كەربۇلاق اۋداندىق سوتىنىڭ ءتوراعاسى د. سەيىتوۆتىڭ ۋاكىلەتتىگىن توقتاتقان بولاتىن.

ەسكە سالايىق، ساۋنادا تۇسىرىلگەن ۆيدەو جەلىدە مامىر ايىنىڭ باسىندا تارادى. ونىڭ اۆتورى ساۋنانىڭ ءىشىن ءتۇسىرىپ، الماتى وبلىسى اۋداندىق سوتىنىڭ سۋدياسى جانە اۋداندىق پروكۋرور دەمالىپ جاتقانىن ايتادى.

الماتى وبلىستىق سوتىنىڭ باسپا ءسوز قىزمەتىندەگىلەر تۇسىرىلگەن ۆيدەوعا قاتىستى تۇسىنىك بەرىپ، «ونى ب. ەسىمدى ەر ادام تۇسىرگەنى بەلگىلى جانە ونىڭ سوت جۇيەسىنە ەش قاتىسى جوق» دەپ مالىمدەگەن بولاتىن.