لاتىن امەريكاسى كوروناۆيرۋستىڭ جاڭا وشاعىنا اينالۋى مۇمكىن
مامانداردى افريكاداعى جاعداي دا الاڭداتادى. پاندەميا كەسىرىنەن قۇرلىقتا اشتىق ماسەلەسى ودان بەتەر ۋشىققالى تۇر.
لاتىن امەريكاسى كوروناۆيرۋستىڭ جاڭا وشاعىنا اينالا باستادى. اسىرەسە، برازيليا، پەرۋ جانە ەكۆادوردا ىندەت ءورشىپ بارادى. ماسەلەن، ەكۆادوردىڭ گۋاياكيل كەمەجاي قالاسى ا ق ش- تا ۆيرۋستان اسا قاتتى زارداپ شەككەن ەكىنشى نيۋ-يوركقا اينالۋى مۇمكىن.
پەرۋدەگى ناۋقاستار سانى 100 مىڭعا تاياپ قالدى. ال برازيليا تىپتەن كوروناۆيرۋستى جۇقتىرعاندار سانى بويىنشا الەم ەلدەرى اراسىندا ءۇشىنشى ورىننان ءبىر-اق شىقتى.
ويتكەنى سوڭعى تاۋلىكتە مۇندا 17500 گە جۋىق جاڭا دەرەك تىركەلگەن. قاۋىپتى ۆيرۋستى جۇقتىرعان برازيليالىقتىڭ سانى 271 مىڭنان اسىپ جىعىلادى. تاۋەلسىز ساراپشىلار ەلدەگى جاعدايدىڭ ۋشىعۋىنا بيلىكتىڭ سالعىرتتىعى سەبەپ دەيدى.
بۇعان دەيىن برازيليا پرەزيدەنتى قاتاڭ كارانتين شارالارىن ەنگىزۋدەن باس تارتقان ەدى.
ۋمبەرتو كوستا، سەناتور: - نەگىزى بيلىكتىڭ كوروناۆيرۋسقا قاتىستى ۇستانىپ وتىرعان ساياساتى دۇرىس ەمەس. ويتكەنى دەنساۋلىق ساقتاۋ مينيسترلىگى جۇمىسىن شتاتتاردىڭ مۋنيتسيپاليتەتتەرىمەن ۇيلەستىرىپ جاتقان جوق.
پريستسيللا ۆاز مەلو، جەرگىلىكتى تۇرعىن: - شتاتتاردىڭ گۋبەرناتورلارى مەن قالا مەرلەرىنىڭ قاتاڭ كارانتين ەنگىزۋ تۋرالى باستاماسى دۇرىس. الايدا پرەزيدەنت ونىمەن كەلىسپەي، وزىنشە شەشىم قابىلداپ جاتىر. سوندىقتان ونىڭ جۇمىسىنا كوڭىلىمىز تولمايدى.
افريكاداعى جاعداي دا وڭىپ تۇرعان جوق. ب ۇ ۇ پاندەميا كەسىرىنەن الداعى 3 ايدا قۇرلىقتىڭ شىعىس وڭىرىندە اشقۇرساق جۇرگەن 20 ميلليون حالىق سانى ەكى ەسەگە ارتۋى مۇمكىن دەپ دابىل قاقتى. ماماندار كوروناۆيرۋس پاندەمياسى اشتىق پاندەمياسىنا اينالىپ كەتپەسىن دەپ ەسكەرتەدى.
انتونيۋ گۋتەرريش، ب ۇ ۇ باس حاتشىسى: - افريكادا كوروناۆيرۋس ەندى ءورشىپ كەلەدى. الايدا از ۋاقىت ىشىندە مۇنداعى ەپيدەميولوگيالىق احۋال ۋشىعىپ شىعا كەلۋى مۇمكىن. سوندىقتان حالىقارالىق قاۋىمداستىقتى افريكا ەلدەرىنە 200 ميلليارد دوللار كولەمىندە كومەك كورسەتۋگە شاقىرامىن. مامانداردىڭ افريكاداعى جاعدايعا الاڭداۋى بەكەر ەمەس.
ماسەلەن، ءبىر عانا ءسوماليدى الىپ قاراساق، 15 ميلليوننان اسا حالقى بار مەملەكەتتە كوروناۆيرۋس جۇقتىرعانداردى ەمدەۋگە ارنالعان ءبىر عانا اۋرۋحانا بار كورىنەدى. ال ەلدە بۇگىندە راستالعان دەرەكتەر سانى 1400 دەن اسادى.
