19:26, 20 - مامىر 2020 | GMT +5
اتىراۋدا ءبىر جارىم جاسار ءسابي جوعالىپ كەتتى
اتىراۋ. قازاقپارات - بۇگىن اتىراۋ قالاسىندا ءبىر جارىم جاسار ءبۇلدىرشىن جوعالىپ كەتتى، دەپ حابارلايدى قازاقپارات.
وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، جوعالعان بالاقاي «جۇلدىز» شاعىن اۋدانىنىڭ 10-كوشەسىندەگى تۇرعىن ۇيدەن تۇسكى ساعات 13:30 شاماسىندا شىعىپ كەتكەن.
«بالانىڭ ەسىمى - ءالي. ۇستىندە قىزىلتورلى كويلەگى، قارا ءتۇستى قىسقا شالبارى بار. وڭ اياعىن سىلتىپ باسادى. قازىر اتىراۋ قالالىق پوليتسيا باسقارماسىنىڭ جەكە قۇرامى بالانى ىزدەستىرىپ جاتىر»، دەپ حابارلادى دەپارتامەنتتىڭ باسپا ءسوز قىزمەتى.
اۆتور: بەك مۇستافا
