قازاقپارات كارانتين تۋرالى دەرەكتى فيلم ءتۇسىردى

نۇر- سۇلتان. قازاقپارات - «قازاقپارات» ح ا ا» ا ق «مۋلتيمەديا» ءبولىمىنىڭ ءتۇسىرۋ توبى «كارانتين» اتتى دەرەكتى فيلم ءتۇسىردى.

2020 -جىل كىبىسە جىل. ياعني، ءتورت جىلدا ءبىر كەلەدى. اتالعان جىلدىڭ توڭىرەگىندە حالىق اراسىندا الۋان ءتۇرلى اڭگىمە ايتىلادى. كوپشىلىكتىڭ پىكىرى كىبىسەنىڭ قاۋپى باسىم- دەگەن ويدا. راسىمەن بيىلعى جىل الەمدە الۋان ءتۇرلى وقيعالارمەن باستالدى. سولاردىڭ ىشىندە جەر جاھاندى دۇرلىكتىرگەن «كوروناۆيرۋس» ىندەتى. قازاقستان ۆيرۋسپەن كۇرەستى ەرتەرەك الدىن الدى. ايتپەگەندە، ناۋقاستار سانى بۇدان دا كوپ بولاتىن ەدى.

جالپى ىندەت قازاقستانعا قاشان كەلدى؟ توتەنشە جاعداي رەجيمى ەنگىزىلگەن كەزدە كىمدەر جۇمىس ىستەدى؟ ءبىز بارلىعىمىز ۇيدە وتىرعاندا، ءتۇرلى قاۋىپتەرگە قاراماي جۇمىس ىستەگەندەر ادامداردىڭ تىرشىلىگى قانداي بولدى؟ ولار نەندەي قيىندىقتارعا توتەپ بەردى؟ مىنە، وسى سۇراقتارعا ءبىزدىڭ «قازاقپارات» ح ا ا» ا ق «مۋلتيمەديا» ءبولىمىنىڭ ءتۇسىرۋ توبى جاۋاپ ىزدەدى. ارنايى جوبا جاسادى. بۇل ولاردىڭ العاشقى تۋىندىسى. الداعى ۋاقىتتا دەرەكتى فيلمدەر ءتۇسىرۋدى قولعا الامىز.

«كارانتين» دەرەكتى فيلمىن بۇگىن، 2020 -جىلدىڭ 20 - مامىرىندا ساعات 20:20 ءبىزدىڭ پورتالدارىمىزدان كورىڭىزدەر!