تۇركىستاندا تاريحي ساۋلەت ۇلگىسىندەگى شىعىس مونشاسى اشىلدى
وتكەن جىلى ىرگەتاسى قالانعان نىسان - قىزىلوردا وبلىسىنىڭ تۇركىستانعا تارتۋى سانالادى. وبلىس ورتالىعىن كورىكتەندىرۋ مەن اباتتاندىرۋ، قۇرىلىس جۇمىستارى ءوڭىر باسشىسى ءومىرزاق شوكەيەۆتىڭ تىكەلەي باقىلاۋىندا. ايماق باسشىسى بۇگىن شاھارداعى بەكزات ساتتارحانوۆ داڭعىلىنىڭ بويىندا سالىنىپ جاتقان جەلىلىك ساياباقتاعى جۇمىس بارىسىن تەكسەردى. جاسىل جەلەككە ورانعان جەلىلىك باقتا دەمالىس اۋماقتارى مەن سالت- ءداستۇردى دارىپتەيتىن ساۋلەت ۇلگىلەرى ورناتىلعان.
قالاعا كورىك بەرگەن «پاراسات» ساياباعى دا ەرەكشە كەلبەتىمەن سايالى باققا اينالىپ كەلەدى. قايتا جاڭارتۋ جۇمىستارى اياسىندا دەمالىس ورنىندا جاساندى كول مەن كوپىرلەر جانە 420 مەتر تاس ارىق سالىنۋدا. ناتيجەسىندە ساياباق سۋمەن قامتىلىپ، قايتا «ارىس- تۇركىستان» كانالىنا جىبەرىلەدى. ال، «تۇركىستان- كەنتاۋ» باعىتىنداعى جولدىڭ ەكى شەتىندەگى ارىقتىڭ ءبىر بولىگى «پاراساتتى» سۋمەن قامتىسا، ەكىنشى بولىگى جول بويىنداعى جاسىل جەلەكتى سۋارادى.
اۆتور: اينۇر اقبايەۆا
