الماتىعا كىرەبەرىستەگى كەپتەلىسكە بايلانىستى بلوكبەكەتتەردەگى باقىلاۋ كۇشەيتىلدى

نۇر-سۇلتان. قازاقپارات - الماتىدا تاعى دا بىرنەشە شاقىرىمعا سوزىلعان كەپتەلىس پايدا بولدى. جۇرگىزۋشىلەر قالاعا كىرۋ ءۇشىن جول قوزعالىسى ەرەجەلەرىن بۇزىپ جاتىر.

وسىعان بايلانىستى پوليتسەيلەر بلوكبەكەتتەردەگى باقىلاۋدى كۇشەيتتى.

كەپتەلىستىڭ ۆيدەوسى Instagram جەلىسىندەگى kris_p_kz پاراقشاسىندا جاريالاندى. ۆيدەو اۆتورلارىنىڭ ءبىرى ۇيدەن جۇمىسقا تاڭعى 05.00-دە شىقسا دا جۇمىسقا كەشىككەنىن جازعان.

وسىعان بايلانىستى الماتى پوليتسيا دەپارتامەنتى تۇرعىنداردان جول قوزعالىسى ەرەجەلەرىن بۇزباۋعا شاقىرادى. وسى ماقساتتا بلوكبەكەتتەرگە قوسىمشا پوليتسيا جاساقتارىنىڭ جۇمىلعانى ايتىلادى.

سونداي- اق، ەرەجە بۇزعان جۇرگىزۋشىلەردىڭ ەرتە مە، كەش پە زاڭ بويىنشا جازالاناتىنى ايتىلدى.

«ءبىز قوسىمشا جول پوليتسياسى جاساقتارىن جۇمىلدىردىق. ولار كەپتەلىس كوپ بولىپ جاتقان اۋماقتارداعى بلوكبەكەتتەردە تۇرادى»، - دەدى پوليتسەيلەر.

ۆەدومستۆو وكىلدەرىنىڭ ايۋتىنشا، بلوكبەكەتتەردەگى جاعداي ۇنەمى باقىلاۋدا.

ەسكە سالايىق، كەشە الماتىعا كىرەبەرىستە بىرنەشە شاقىرىمعا سوزىلعان كەپتەلىستىڭ ۆيدەوسى تاراعان ەدى. جاريالانعان ۆيدەو اۆتورلارى وسىمەن ەكى ساعات كەپتەلىستە تۇرعاندارىن ايتقان بولاتىن.