كارانتين كەزىندە ەلوردالىق ەرىكتىلەر قالاي جۇمىس ىستەپ جاتىر
«وزدەرىڭىزگە بەلگىلى، 11 - مامىردا توتەنشە جاعداي رەجيمى توقتاتىلعانىمەن، كاراتين ءالى دە جالعاسۋدا. تيىسىنشە، ەلوردالىق پوليتسيا دەپارتامەنتى ۆولونتەرلەرمەن بىرىگىپ، كارانتيندىك شارالار مەن حالىققا ءتۇسىندىرۋ جۇمىستارىن جۇرگىزىپ كەلەدى. سونىمەن بىرگە، نۇر- سۇلتان اكىمدىگىنىڭ كومەگىمەن جەتكىزىلگەن مەديتسينالىق ماسكالاردى حالىق كوپ جينالاتىن ورىنداردا تاراتامىز. وسىلايشا، ادامدار كارانتيننىڭ اياقتالماعانىن، قاۋىپسىزدىك شارالارىن ساقتاۋ قاجەتتىگىن بىلەتىن بولادى»، - دەدى نۇر- سۇلتان پوليتسيا دەپارتامەنتى جەرگىلىكتى پوليتسيا قىزمەتىنىڭ ءبولىم باسشىسى ازامات سادىقوۆ قازاقپارات تىلشىسىنە بەرگەن سۇحباتىندا.
پوليتسيا قىزمەتكەرى كارانتين شارالارىنىڭ قايتا كۇشەيمەۋى ءۇشىن سانيتارلىق نورمالاردى ساقتاۋدىڭ ماڭىزدى ەكەنىن اتاپ ءوتتى.
«ءبىز ق ر اكىمشىلىك كودەكسىنە سايكەس جۇمىس ىستەپ جاتىرمىز. وندا ايىپپۇل سالۋ، جازاعا تارتۋ كوزدەلمەگەن. دەگەنمەن، كوپتەگەن تۇرعىندار ماسكا تاعىپ، ارا قاشىقتىق ساقتاۋ قاجەتتىگىن تۇسىنەدى» ، - دەدى ا. سادىقوۆ.
سونىمەن بىرگە، نۇر- سۇلتان قالاسى اكىمدىگى «استانا جاستارى» جاستار رەسۋرستىق ورتالىعى باسشىسىنىڭ ورىنباسارى ايان ەرمەنتايەۆ ەلوردالىق ۆولونتەرلەردىڭ تىنىمسىز ەڭبەكتەنىپ جاتقاندارىن ايتىپ بەردى.
«استانا جاستارى» - نۇر- سۇلتان قالاسىنىڭ ۆولونتەرلىك شتابى بولىپ سانالادى. قالالىق ۆولونتەرلەر شتابى تەك كارانتيندە عانا ەمەس، وعان دەيىن دە جۇمىس ىستەپ كەلگەن. جاعدايى تومەن وتباسىلارعا كومەكتەسىپ، مۇقتاج ادامداردىڭ اۋلاسىن تازالاۋعا كومەكتەستى. ال قازىرگى ۋاقىتتا كوروناۆيرۋس ادامدار اراسىندا وتە اۋقىمدى تاراپ جاتىر. اۋرۋدىڭ ەكىنشى تولقىنىنىڭ الدىن الۋ ماقساتىندا، قالالىق ۆولونتەرلەر شتابى بىرنەشە ۆولونتەرلىك ۇيىمدارمەن، پوليتسيا دەپارتامەنتىمەن بىرلەسىپ، تۇسىندىرمە جۇمىستارىن جۇرگىزەمىز. بۇعان دەيىن دە ءتۇسىندىرۋ جۇمىستارى جاسالىپ كەلگەن ەدى. ءبىراق، بۇگىننەن باستاپ، بۇل جۇمىستاردى كۇشەيتەمىز، ۆولونتەرلەر سانىن كوبەيتەمىز» ، - دەدى ايان ەرمەنتايەۆ.
بۇگىن 50 گە جۋىق ۆولونتەر قالانىڭ ادام كوپ شوعىرلانعان اۋداندارىنا، ساياباقتار مەن اللەيالارعا بارىپ، حالىققا قاۋىپسىزدىك شارالارىن ءتۇسىندىردى.
«اسىرەسە ايالادامادا ادام كوپ، اۆتوبۋسقا مەديتسينالىق ماسكاسىز كىرۋگە بولمايدى. سوندىقتان، ءبىز ولارعا مەديتسينالىق ماسكانى تەگىن تاراتامىز. ءتۇرلى ساياباقتار مەن اللەيالاردا وتىرعان كىسىلەردى قاۋىپسىزدىككە شاقىرامىز. ادام كوپ جينالسا، كوشەدە دە ماسكا تاعۋ قاجەتتىگىن تۇسىندىرەمىز» ، - دەدى ول.
«استانا جاستارى» ورتالىعىنداعى 2 جارىم مىڭعا جۋىق ۆولونتەر بار. ت ج رەجيمى الىنعان سوڭ، ۆولونتەرلەر ادام كوپ جينالاتىن بانكتەردە، قازپوشتا، سون- دا كۇن سايىن جۇمىس ىستەپ جاتىر. ولار كەلۋشىلەرگە اراقاشىقتىق ساقتاۋعا، بەتپەردە تاعۋعا كومەكتەسەدى. جاعدايى تومەن وتباسىلار مەن كومەك قاجەت ادامدارعا مەتسەنتتار كومەگىمەن ازىق- تۇلىك پەن تاعامدار جەتكىزەدى.
«وتكەن سەنبىدە ۆولونتەرلەر شتابى جينالىپ، سەنبىلىك وتكىزدىك. اعاش وتىرعىزىپ، قوقىستاردان تازارتىپ، قالامىزدىڭ كوگالداندىردىق. جاقىندا ماقتاارال اۋدانىنداعى سۋ تاسقىنىنان زارداپ شەككەندەرگە العاشقى لەكپەن 20 توننا جانە ەكىنشى لەكپەن 10 توننا گۋمانيتارلىق كومەك جىبەرىلدى. ول ءۇشىن قالا بويىنشا 4 ورىن اشىپ، قالا تۇرعىندارىنىڭ، مەتسەناتتاردىڭ كومەگىن قابىلدادىق. ءبىز ولاردى ىرىكتەپ، جارامدىلارىن الىپ، جۋىپ- تازارتىپ، ماقتاارالعا جىبەردىك» ، - دەدى ا. ەرمەنتايەۆ.
جالپى ۆولونتەرلەردىڭ ەرىكتى تۇردە تەگىن جۇمىس ىستەيتىنى بەلگىلى. دەگەنمەن، ەلوردالىق جاستار ساياساتى باسقارماسى ولارعا العىس حاتتار بەرىپ ءتۇرلى دەمالىس ورىندارىنا جىبەرەدى.
«استانا جاستارى» ورتالىعىندا ۇيىمداستىرۋ ءبولىمى، ۆولونتەرلىك ءبولىم، جۇمىسپەن قامتۋ جانە كاسىبي باعدار ءبولىمى، اناليز- مونيتورينگ ءبولىمى بار، 21 دەن استام اۋلا كلۋبتارى بار، سوندا ۆولونتەر جاستار ءارتۇرلى سەكتسيالارعا تەگىن قاتىسادى. قازىرگى ۋاقىتتا جاستاردى قولداۋ ماقساتىندا ءتۇرلى باسىمدىقتار ۇسىنىپ جاتىرمىز. اسىرەسە اقىلى بولىمدە وقيتىن ۆولونتەر ستۋدەنتتەرگە 10 پايىزدان باستاپ ءتۇرلى جەڭىلدىكتەر مەن گرانتتار قاراستىرۋ. كەلەسى وقۋ جىلىنا دەيىن وسى سۇراقتاردى رەتتەۋ جوسپارلانعان» ، - دەدى ا. ەرمەنتايەۆ.
ايتا كەتسەك، اتالعان ۇيىم 2014 -جىلدان بەرى جۇمىس ىستەپ كەلەدى. كومەككە مۇقتاج ادامدار بىزگە الەۋمەتتىك جەلى نەمەسە iKomek ارقىلى حابارلاسا الادى.
