قىزىلوردادا ب ا ءا كەلگەن ادامنان كوروناۆيرۋس انىقتالدى
بۇگىن قىزىلوردادا قاتەرلى ىندەتكە ءتورت ادام شالدىقتى. ولاردىڭ ۇشەۋى قىزىلوردا قالاسىنىڭ تۇرعىنى بولسا، بىرەۋى الماتى قالاسىندا تۇرادى. سىناما ەكى ازاماتتان اۋرۋ جۇقتىرعان اداممەن قارىم- قاتىناستا بولۋىنا جانە ەندى بىرىنەن ب ا ءا كەلۋىنە جانە تاعى بىرەۋىنەن دەنساۋلىق جاعدايىنا بايلانىستى الىنعان.
«زەرتتەۋ قورىتىندىسى ناۋقاستاردىڭ كوروناۆيرۋس ينفەكتسياسىن جۇقتىرعانىن كورسەتتى. قازىرگى تاڭدا پاتسيەنتتەر اۋرۋحاناعا وقشاۋلاندىرىلىپ، حاتتاماعا سايكەس ەم قابىلداۋدا. اۋرۋ وشاعىندا ماماندارمەن ىندەتكە قارسى ءىس- شارالار ۇيىمداستىرىلىپ، قارىم- قاتىناستا بولعاندار انىقتالۋدا» ، - دەپ ءمالىم ەتتى قىزىلوردا وبلىستىق تاۋارلار، قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى. قازىر قىزىلوردا وبلىسىندا كوروناۆيرۋس ينفەكتسياسىن جۇقتىرعان 250 ادام تىركەلگەن. ونىڭ ىشىندە 216 ادام ەمدەلىپ شىققان.
