قازاقستان تۋىن كولىگىنە جاۋىپ العان جۇرگىزۋشى جازالاندى

اتىراۋ. قازاقپارات - اتىراۋدا تۋدى كولىگىنە جاۋىپ، جول ەرەجەسىن بۇزعان جۇرگىزۋشىگە ايىپپۇل سالىندى، دەپ حابارلايدى قازاقپارات.

وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، پوليتسيا قىزمەتكەرلەرى تەمىر جول ۆوكزالى جانىنداعى ساۋدا ءۇيىنىڭ الدىندا قازاقستان رەسپۋبليكاسىنىڭ تۋىن كولىگىنىڭ كاپوتىنا جاۋىپ العان جۇرگىزۋشىنى ۇستاعان.

«18- مامىر كەشكى ساعات 20:30 شاماسىندا «Mitsubishi L300» جانە «Mercedes Benz»

كولىكتەرىنىڭ جۇرگىزۋشىلەرى ۆوكزال الدىندا جول ەرەجەسىن بۇزىپ، بىرنەشە رەت اينالۋ مانيەۆرىن جاساعان. جول جابىندىسىن لاستاپ، سيگنال بەرمەگەن. جول قاۋىپسىزدىگىن ساقتاماعانى ءۇشىن ق ر اكىمشىلىك قۇقىق بۇزۋشىلىق تۋرالى كودەكسىنىڭ 595-بابىنىڭ 1-بولىمىمەن، 630-باپتىڭ 1-بولىمىمەن حاتتامالار تولتىرىلدى» - دەپ حابارلادى باسپا ءسوز قىزمەتى.

سونىمەن قاتار، بۇعان قوسا «Mercedes Benz» كولىگىنىڭ جۇرگىزۋشىسىنە ق ر اكىمشىلىك قۇقىق بۇزۋشىلىق تۋرالى كودەكسىنىڭ 458-بابىنىڭ 1-بولىمىمەن (ق ر مەملەكەتتىك تۋىن پايدالانۋ جانە ءتارتىبىن بۇزعانى ءۇشىن) 138900 تەڭگە ايىپپۇل سالىنعان.

اۆتور: بەك مۇستافا