نۇر- سۇلتان پوليتسياسى: بلوكپوستان اقشا بەرىپ وتكىسى كەلەتىندەر بار
«جالپى كارانتين ەنگىزىلگەلى بەرى 5 مىڭعا تارتا ازامات ءارتۇرلى اكىمشىلىك جاۋاپكەرشىلىككە تارتىلدى. الايدا ازاماتتار قازىر جاعدايعا تۇسىنىستىكپەن قاراي باستادى. سونداي- اق بلوكپوستان پوليتسيا قىزمەتكەرلەرىنە اقشا بەرىپ، ەشقانداي تىركەۋسىز، انىقتاماسىز ءوتىپ كەتپەك بولعان ادامدار دا كەزدەستى. البەتتە مۇنداي فاكتىلەردىڭ ءبارىنىڭ جولىن كەسەمىز. بىزدەن بولەك بلوكپوستا اكىمدىكتىڭ، دەنساۋلىق ساقتاۋ سالاسىنىڭ قىزمەتكەرلەرى دە كەزەكشىلىك اتقارادى. سول سەبەپتى مۇندايعا جول بەرىلمەيتىنىن ايتقىمىز كەلەدى»، - دەدى عۇسمان جاكين و ك ق- دا وتكەن باسپا ءسوز ءماسليحاتىندا.
سونىمەن قاتار ول الەۋمەتتىك جەلىلەردە تاراعان اقپاراتتارعا قاتىستى پىكىر ءبىلدىردى. «ب ا ق- تا، چاتتاردا كەي ازاماتتار بەلگىلى ءبىر سومامەن بلوكپوستان ءوتىپ كەتۋگە بولادى دەگەندەي اقپارات تاراتىپ جاتىر. مۇنداي فاكتىلەرگە جول بەرىلمەيدى»، - دەدى ول.
