پوليتسيا تانىمال ادۆوكات ايمان وماروۆانىڭ كولىگىنىڭ ورتەنۋىنە قاتىستى تەكسەرۋ جۇرگىزدە
پوليتسيا بۇل دەرەككە قاتىستى تەكسەرۋدى باستادى، دەپ حابارلايدى قازاقپارات ءتىلشىسى.
وقيعا 18-مامىر كۇنى مەدەۋ اۋدانىنداعى ءال-فارابي كوشەسى مەن نازاربايەۆ داڭعىلىنىڭ قيىلىسىندا بولعان. ايمان وماروۆا Facebook پاراقشاسىندا كولىكتىڭ تەجەگىشى ىستەن شىققانىن جازدى. قالالىق توتەنشە جاعداي دەپارتامەنتىنىڭ وكىلدەرى وقيعا ورنىنا 7 مينۋتتا جەتكەن.
«ءورت سوندىرۋشىلەر 22.00 كەلگەندە «Lexus-350» كولىگى ورتەنىپ جاتقان. ءتىلسىز جاۋ 2 شارشى مەتردى شارپىعان. ءورت 22:04 تە اۋىزدىقتالىپ، 22:07 دە تولىق ءسوندىرىلدى. ورتتەن جاپا شەككەندەر جوق»، - دەپ ءمالىم ەتتى ت ج د باسپا ءسوز قىزمەتى. قالالىق پوليتسيا دەپارتامەنتى اتالعان دەرەك بويىنشا ق ر ق ك 202-بابىنىڭ 2-بولىمىمەن قىلمىستىق ءىس قوزعادى. «قىلمىستىق ءىس ءوندىرىسى مەدەۋ اۋداندىق پوليتسيا باسقارماسىنا بەرىلدى. ءورت بويىنشا تەحنيكالىق ساراپتاما تاعايىندالدى. ساراپتاما قورىتىندىسىنان كەيىن ءورتتىڭ نەدەن شىققانى انىقتالادى»، - دەدى پوليتسيا.
