نۇر-سۇلتاندا ساۋدا ورتالىقتارى جۇمىسىن باستاۋى مۇمكىن
«ەلوردادا بايقالعان كوروناۆيرۋس ينفەكسياسى دەڭگەيىنىڭ وڭ ديناميكاسىنا قاراماستان سانيتارلىق- ەپيدەميولوگيالىق تالاپتاردىڭ قاتاڭ ساقتاۋ قاجەتتىلىگىن اتاپ ايتقىم كەلەدى. سەبەبى كارانتين شارالارىن بوساڭسىتۋ - كەز كەلگەن ۋاقىتتا اۋرۋدىڭ وسۋىنە اكەلۋى مۇمكىن. وسىعان بايلانىستى رۇقسات ەتىلگەن نىسانداردا سانيتارلىق نورمالاردىڭ تالاپتارىن تەك سۋبەكتىلەردىڭ وزدەرى عانا ەمەس، سونىمەن بىرگە كەلۋشىلەر دە قاتاڭ ساقتاۋى كەرەك»، - دەدى جاننا پىراليەۆا و ك ق- دا وتكەن باسپا ءسوز ءماسليحاتىندا.
ول قالاداعى ساۋدا جانە ويىن- ساۋىق ورتالىقتارىنىڭ جۇمىسى قاشان جانداناتىنىن ايتىپ ءوتتى.
«قالاداعى ەپيدەميولوگيالىق جاعدايدى ەسكەرە وتىرىپ، ۆەدومستۆوارالىق كوميسسيادا 2020 -جىلدىڭ 20-مامىرىنان باستاپ ءبىزدىڭ قالادا ساۋدا- ويىن- ساۋىق ورتالىقتارىنىڭ (ونىڭ ىشىندە ويىن- ساۋىق جانە ويىن ورتالىقتارىنسىز، فۋدكوردسىز، كينوتەاترسىز) جانە قوعامدىق مونشالاردىڭ (ساۋنالاردىڭ باسسەينسىز)، ازىق-تۇلىكتىك ەمەس ساۋدا ورتالىقتارى مەن ساۋدا ۇيلەرىنىڭ جۇمىسىن قايتا باستاۋ جۇمىسى جۇرگىزىلىپ جاتىر. بۇل ماسەلەنى قازىر ءبىزدىڭ تاراپىمىزدان قاراستىرىپ جاتىرمىز بۇل ماسەلەگە قاتىستى بۇگىنگى كۇنى قالالىق باس مەملەكەتتىك سانيتارلىق دارىگەردىڭ قاۋلىسى دايىندالىپ جاتىر»، - دەدى قالانىڭ باس سانيتارلىق دارىگەرى.
اۆتور: ايان بەكەن ۇلى
