10:57, 21 - مامىر 2020 | GMT +5
ادامدى تەز قارتايتاتىن تاعامدار انىقتالدى
نۇر -سۇلتان. قازاقپارات - يسپانيالىق ناۆاررا ۋنيۆەرسيتەتىنىڭ زەرتتەۋشىلەر توبى وتە وڭدەلگەن تاعامداردىڭ ادام جاسۋشالارىنىڭ قارتايۋىن تەزدەتەتىنىن انىقتادى.
نان- توقاش ونىمدەرى مەن قىتىرلاق ناندار، گازدالعان سۋسىندار، ءتۇرلى دەسەرتتەر، قانت قوسىلعان جۇگەرى قاۋىرسىندارى، قايتا وڭدەلگەن ەت ونىمدەرى مەن جارتىلاي فابريكاتتار قاتتى وڭدەلگەن تاعام تۇرلەرى بولىپ سانالادى.
ولاردىڭ قۇرامىندا وتە كوپ كونسەرۆانتتار مەن بوياعىشتار، قانت، ماي جانە تۇز بولادى، سونداي-اق قۇرامىندا دارۋمەندەر وتە از. اتالعان تاعامدار اعزاداعى تەلومەرلەردىڭ ازايۋ پروتسەسىن جەدەلدەتەدى. زەرتتەۋشىلەر توبى 57 دەن 91 جاسقا دەيىنگى 886 ادامنىڭ قاتىسۋىمەن ەكسپەريمەنت جۇرگىزدى. جۇمىس ناتيجەلەرى بويىنشا كۇنىنە ءۇش رەتتەن ارتىق ۋلترا وڭدەلگەن تاعامداردى تۇتىناتىن ادامداردا تەلومەرلەردىڭ قىسقارۋى ەكى ەسە كوپ جۇرەتىنى انىقتالدى.
