12:42, 19 - مامىر 2020 | GMT +5
گونكونگتە زاڭ شىعارۋ كەڭەسىنىڭ دەپۋتاتتارى توبەلەس شىعاردى
نۇر -سۇلتان. قازاقپارات - گونكونگ زاڭ شىعارۋ كەڭەسىنىڭ دەپۋتاتتارى مەن كۇزەتشىلەرى اراسىندا توبەلەس بولىپ، وپپوزيتسيالىق پارتيانىڭ 14 مۇشەسى زالدان قۋىلدى، دەپ حابارلايدى «حابار 24».
تارتىپسىزدىك ءۇش كۇن بۇرىن عانا سايلانعان وسى ورگاننىڭ ىشكى ىستەر بويىنشا ءتوراعاسى چان جيانپوعا قارسى نارازىلىقتان تۋعان. دەپۋتاتتار جاڭا باسشى وپپوزيتسيا قارسى شىققان كەي زاڭداردىڭ قاراستىرىلۋىن ادەيى توقتاتىپ قويىپ، كوميتەتتىڭ جۇمىسىنا كەدەرگى كەلتىردى دەپ وتىر.
…ءبىر توپ دەپۋتات ءتوراعاعا قاراي وتۋگە ۇمتىلىپ، ولاردىڭ جولىن بوگەگەن كۇزەتشىلەرگە جۇدىرىق الا جۇگىردى. سودان توبەلەس باستالىپ، بىرنەشە ادام جاراقات الدى.
