بەلگيادا دارىگەرلەر اۋرۋحاناعا كەلگەن پرەمەر-ءمينيستردى كەرى بۇرىلىپ قارسى الدى
اق حالاتتىلار ەمدەۋ ورتالىعىنا كەلگەن ۇكىمەت باسشىسىنا قۇرمەت كورسەتۋدىڭ ورنىنا كەرى بۇرىلىپ قارسى العان دەپ حابارلايدى حابار 24 ارناسى.
ۆيدەودان كادر تەلەارنا مالىمەتىنشە، ەل پرەمەر-مينيسترىنە قۇرمەت كورسەتپەۋ ارقىلى اق حالاتتىلار بيلىكتەن ءوز ەڭبەكتەرىن ءتيىستى دەڭگەيدە باعالاۋدى سۇراعان. ودان بولەك، مەديتسينا قىزمەتكەرلەرى دەنساۋلىق ساقتاۋ مينيسترلىگىنىڭ بىلىكسىز مەيىربيكەلەردى جۇمىسقا الۋ تۋرالى قاۋلىسىن جويۋعا شاقىرعان.
بەلگيالىق دارىگەرلەردىڭ نارازىلىعى وزگە ەلدەردەگى ارىپتەستەرىنىڭ قولداۋىنا يە بولدى. ايتا كەتەيىك، بەلگيا - كوروناۆيرۋس ينفەكسياسىنان كوپ زارداپ شەگىپ جاتقان ەلدەردىڭ ءبىرى. كورولدىكتە COVID-19 جۇقتىرعاندار سانى 55 مىڭنان اسقان. جونسا حوپكينس ۋنيۆەرسيتەتى تاراتقان اقپاراتقا سايكەس، قازىرگى ۋاقىتتا دۇنيە جۇزىندە كوروناۆيرۋس 4801282 ادامنان انىقتالعان. ونىڭ 318465 ى ينفەكسيا سالدارىنان كوز جۇمسا، ەكى ميلليونعا جۋىق اۋرۋدى جەڭىپ، مەديتسينالىق مەكەمەدەن شىققان. ال سوڭعى دەرەك بويىنشا، ەلىمىزدە كوروناۆيرۋس 6751 ادامنان انىقتالدى. ولاردىڭ 3469 ى اۋرۋىنىن ايىققان.
