قىتايدا قۇمدى ءشول جاسىل القاپقا اينالدى

نۇر -سۇلتان. قازاقپارات - مۋ-ۋس ءشولى - قىتايداعى ەڭ باستى ءتورت ءشولدىڭ ءبىرى.

ول سولتۇستىك- باتىستاعى شانشي پروۆينسياسىنىڭ كارتاسىنان جويىلدى.

سەبەبى بوس جەردىڭ 93,25 پايىزى جاسىل القاپقا اينالدى، - دەپ حابارلايدى «پوپۋليارنايا مەحانيكاعا».

ءشولدىڭ اۋماعى 42200 شارشى شاقىرىم بولاتىن. بۇرىن بۇل جەردە اعاش بولمادى. ءشولدىڭ شەتىندە ورنالاسقان يۋيلين قالاسى قۇمدى جەلدىڭ سالدارىنان ءۇش رەت وڭتۇستىككە قاراي كوشۋگە ءماجبۇر بولدى.

1959 -جىلدان باستاپ جەرگىلىكتى تۇرعىندار قۇمدى جەلدى ۇستاپ تۇرۋ ءۇشىن اعاش ەگە باستادى. قانشاما جىل بويى ەتكەن ەڭبەكتىڭ ارقاسىندا ولار جاسىل بولىكتى سولتۇستىككە قاراي 400 شاقىرىمعا دەيىن ۇلعايتتى.

«ءشول كارتادان جوعالىپ كەتتى دەگەندە كارتادان بوس جەردىڭ جوعالعانى تۋرالى ايتامىز. ەگەر تاعى دا كۇش سالساق، وندا قالعان قۇمى بار 30 000 گەكتارعا جۋىق اۋماق تا بولمايدى»، - دەدى شانشي پروۆينسياسىنىڭ ورمان بيۋروسىنىڭ باسشىسى دان شۋانجەن.

1950 -جىلدارى يۋيلين قالاسىنا ورمان القابى 0,9 پايىزدى قۇرايتىن، قازىر ول 33 پايىزعا جەتتى.

قازىر جەرگىلىكتى تۇرعىندار COVID-19 پاندەمياسى سالدارىنان جوعالتىپ العان ۋاقىتتاعى جۇمىستى اتقارۋ ءۇشىن بارىن سالىپ جاتىر. ولار مامىر ايىنىڭ سوڭىنا دەيىن 400 گەكتار قۇمدى جەرگە اعاش وتىرعىزۋدى جوسپارلاپ وتىر.