قوسشى اۋىلىندا كوروناۆيرۋس جۇقتىرعان ايەل دەنى ساۋ ءسابيدى دۇنيەگە اكەلدى
قازاقپارات بۇل تۋرالى وبلىستىق دەنساۋلىق ساقتاۋ باسقارماسىنا سىلتەمە جاساپ حابارلايدى.
ۆەدومستۆونىڭ الەۋمەتتىك جەلىدەگى پاراقشاسىندا جاريالانعانداي، 31 جاستاعى ايەل 13- مامىردا سەلينوگراد اۋدانىنىڭ قوسشى اۋىلىنان كوروناۆيرۋس دياگنوزىمەن اقمولا وبلىستىق تۋبەركۋلەزگە قارسى ديسپانسەرگە جاتقىزىلعان.
مامىردا سالماعى 3100 گرام، بويى 52 سانتيمەتر نارەستەنى بوساندى. ءسابي «تازا ايماققا» اۋىستىرىلىپ، COVID-19 عا ەكسپرەسس جانە پوليمەرازدى تىزبەك رەاكتسياسىنا سىناما الىندى. ەكى سىنامانىڭ دا ناتيجەسى - تەرىس.
«ايەل ەش قيىندىقسىز بوساندى. شاقالاقتىڭ اناسىن، تۋعان-تۋىستارىن جانە دارىگەرلەردى وسىناۋ قۋانىشتارىمەن قۇتتىقتايمىن!»، - دەيدى ديسپانسەردىڭ باس دارىگەر قاسىمجان تاشىمەتوۆ. جاڭا بوسانعان كەلىنشەككە ايماق باسشىسى ەرمەك مارجىقپايەۆتىڭ اتىنان گۇل شوقتارى تابىس ەتىلدى.
