ەلباسى جۋرناليست بەيسەن قۇرانبەكتىڭ جاقىندارىنا كوڭىل ايتتى

نۇر- سۇلتان. قازاقپارات – ق ر تۇڭعىش پرەزيدەنتى نۇرسۇلتان نازاربايەۆ تانىمال تەلەجۇرگىزۋشى بەيسەن قۇرانبەكتىڭ مەزگىلسىز ومىردەن وتۋىنە بايلانىستى اۋىر قايعىعا ورتاقتاسىپ، وتباسى مەن جاقىندارىنا كوڭىل ايتتى، دەپ حابارلايدى قازاقپارات ەلباسى سايتىنا سىلتەمە جاساپ.

«ول سانالى عۇمىرىن وتاندىق تەلەۆيزيانىڭ دامۋىنا ارنادى. ءوز ءىسىنىڭ كاسىپقوي مامانى رەتىندە ۇلتتىق اقپارات سالاسىنىڭ دامۋىنا ەلەۋلى ۇلەس قوسىپ، تۋعان ەلىنە ادال قىزمەت ەتۋدىڭ جارقىن ۇلگىسىنە اينالدى. تالاي تىڭ الەۋمەتتىك باعدارلامالاردىڭ دۇنيەگە كەلۋىنە سەپتىگىن تيگىزدى. ونىڭ ونەگەلى ءومىرى مەن جارقىن بەينەسى جۇرتشىلىق جادىندا ءاردايىم ساقتالادى دەپ سەنەمىن»، - دەلىنگەن جەدەلحاتتا.