رەسەيدەگى قىرعىزستاندىقتاردى ءوز ەلدەرىنە قازاقستان ارقىلى جەتكىزۋگە رۇقسات بەرىلدى
«قازاقستان رەسپۋبليكاسىنىڭ سىرتقى ىستەر مينيسترلىگى قىرعىز رەسپۋبليكاسى ازاماتتارى ءۇشىن ترانزيتتى قامتاماسىز ەتۋ ماسەلەلەرى بويىنشا كەلەسىنى حابارلايدى. وسى جىلدىڭ 17 - مامىرىندا قازاقستان رەسپۋبليكاسىنىڭ سىرتقى ىستەر مينيسترلىگىنىڭ اتىنا قىرعىز رەسپۋبليكاسىنىڭ ەلشىلىگىنەن رەسەي فەدەراتسياسىنان قىرعىز رەسپۋبليكاسىنىڭ ازاماتتارىن شىعارۋ ءۇشىن قازاقستان رەسپۋبليكاسىنىڭ اۋماعىندا ترانزيتتىك ءدالىز قامتاماسىز ەتۋ جونىندە نوتا جىبەرىلدى. بيىلعى 18 - مامىردا ق ر ۇكىمەتى جانىنداعى كوروناۆيرۋستىڭ تارالۋىنا جول بەرمەۋ ماسەلەلەرى جونىندەگى ۆەدموستۆوارالىق كوميسسيانىڭ وتىرىسىندا اتالعان وتىنىشكە سايكەس، رەسەي فەدەراتسياسىنىڭ ورىنبور وبلىسىندا جۇرگەن قىرعىز رەسپۋبليكاسى ازاماتتارى ءۇشىن قازاقستان رەسپۋبليكاسىنىڭ اۋماعىندا جولاۋشىلار كولىگىن قامتاماسىز ەتۋ شارتىمەن بايلانىسسىز كولىك ءدالىزىن ۇسىنۋ تۋرالى وڭ شەشىم قابىلداندى. قازىرگى ۋاقىتتا قىرعىز تاراپى كولىكپەن قامتاماسىز ەتۋ ماسەلەسىن شەشىپ جاتىر»، - دەلىنگەن مينيسترلىك تاراتقان اقپاراتتا.
وسى ورايدا ق ر سىرتقى ىستەر مينيسترلىگى قىرعىز تاراپىنا جان- جاقتى قولداۋ كورسەتەتىندىگىن اتاپ وتەدى.
اۆتور: مارلان جيەمباي
